ផ្កាល្ហុងឈ្មោល ត្រាំជាមួយទឹកឃ្មុំតាមវិធីខាងក្រោមនេះ ត្រូវបានគេចាត់ទុកថា ជាភេសជ្ជៈដែលផ្តល់នូវអត្ថប្រយោជន៍ល្អបំផុតសម្រាប់សុខភាព។
យោងតាមលោកវេជ្ជបណ្ឌិត Vu Quoc Trung (ផ្នែកឱសថបុរាណ) ផ្កាល្ហុងឈ្មោលមានរសជាតិល្វីងតិចៗ ហើយប្រើសម្រាប់ព្យាបាលក្អកស្ងួត ក្អកមានស្លេស្ម ក្អកមាន់ ក្អកច្រើននៅពេលយប់។ ជាពិសេស ការបន្តប្រើផ្កាល្ហុងឈ្មោល ត្រាំក្នុងទឹកឃ្មុំជាប្រចាំ ជួយកម្រិតហានិភ័យនៃជំងឺផ្លូវដង្ហើមបានយ៉ាងល្អ។
មានការសិក្សាជាច្រើនពីសហរដ្ឋអាមេរិក និងអូស្ត្រាលីដែលបង្ហាញថា ផ្កាល្ហុងមានផ្ទុកសារធាតុ Lycopene និង carotenoids ដែលជួយការពារជំងឺមហារីក បង្កើនការផលិតអាំងស៊ុយលីនក្នុងរាងកាយដើម្បីការពារជំងឺទឹកនោមផ្អែម។
ឱសថបុរាណចិនវាយតម្លៃផ្កាល្ហុងឈ្មោលល្អណាស់ បើផ្សំជាមួយទឹកឃ្មុំ។ ឱសថនេះមានប្រសិទ្ធភាពប្រឆាំងការរលាកក្នុងបំពង់ក កាត់បន្ថយការហើម ព្យាបាលក្អក ព្យាបាលដំបៅក្រពះ រក្សាលំនឹងជាតិស្ករក្នុងឈាម ពង្រឹងប្រព័ន្ធការពាររាងកាយ ល្អសម្រាប់ប្រព័ន្ធរំលាយអាហារ…។
១. ឥទ្ធិពលនៃផ្កាល្ហុងឈ្មោលត្រាំជាមួយទឹកឃ្មុំ
– ជួយព្យាបាលជំងឺទឹកនោមផ្អែម
ផ្កាល្ហុងឈ្មោលត្រាំជាមួយទឹកឃ្មុំ មានប្រសិទ្ធភាពជួយរាងកាយបង្កើនការផលិតអាំងស៊ុយលីន មានតួនាទីសំខាន់ក្នុងការកាត់បន្ថយកម្រិតជាតិស្ករ រក្សាលំនឹងជាតិស្ករក្នុងឈាមសម្រាប់អ្នកជំងឺទឹកនោមផ្អែម។
– ជួយព្យាបាលជំងឺនៃបំពង់រំលាយអាហារ
ផ្កាល្ហុងឈ្មោល និងទឹកឃ្មុំ គឺជាអាហារដែលផ្តល់សុខភាពល្អ គ្រឿងផ្សំទាំងពីរនេះនឹងជួយសម្រាលភាពមិនស្រួល ដែលបណ្តាលមកពីការច្រាលអាស៊ីត ក្រហាយទ្រូង និងចុងដង្ហើម។
លើសពីនេះ សារធាតុប្រឆាំងអុកស៊ីតកម្ម និងវីតាមីន និងសារធាតុរ៉ែដូចជា ៖ វីតាមីន A, C, E, ជាតិដែក, កាល់ស្យូម, … ជួយការពារប្រព័ន្ធរំលាយអាហារដែលមានសុខភាពល្អ ការពារការវាយប្រហាររបស់បាក់តេរី និងមេរោគ។
– បញ្ចុះកូឡេស្តេរ៉ុលក្នុងឈាម រក្សាលំនឹងសម្ពាធឈាម
សារធាតុដូចជា folate និងសារធាតុប្រឆាំងអុកស៊ីតកម្មដែលមាននៅក្នុងផ្កាល្ហុងឈ្មោលត្រាំទឹកឃ្មុំ ជួយការពារជញ្ជាំងសរសៃឈាម និងការពារបន្ទះកូឡេស្តេរ៉ុលមិនឱ្យជាប់ជញ្ជាំងសរសៃឈាម។
– ព្យាបាលក្អក និងឈឺបំពង់ក
លើសពីនេះ នៅក្នុងផ្កាល្ហុងឈ្មោលត្រាំទឹកឃ្មុំ មានសមាសធាតុប្រឆាំងនឹងការរលាក ដែលជួយសម្លាប់បាក់តេរីក្នុងបំពង់ក ដោយកាត់បន្ថយការឈឺបំពង់ក ហើម និងបំបាត់ការក្អក។
– ជួយការពារជំងឺមហារីក
ការស្ទង់មតិរបស់អ្នកស្រាវជ្រាវអូស្ត្រាលី លើបុរសដែលមានជំងឺមហារីកក្រពេញប្រូស្តាតបានបង្ហាញថា ជំងឺរបស់ពួកគេត្រូវបានកាត់បន្ថយ ៨២% នៅពេលប្រើផ្កាល្ហុងឈ្មោលជាទៀងទាត់។
អ្នកវិទ្យាសាស្ត្របានរកឃើញ សារធាតុប្រឆាំងអុកស៊ីតកម្មដ៏មានឥទ្ធិពលនៅក្នុងគ្រឿងផ្សំទាំងពីរនេះ ៖ ផេណុល វីតាមីន E, C, Beta-carotene, lycopene ឬអាស៊ីត gallic ។ សារធាតុទាំងនេះ ជួយការពាររ៉ាឌីកាល់សេរីដែលបង្កគ្រោះថ្នាក់ពីការប៉ះពាល់ដល់កោសិកា ជួយការពារជំងឺមហារីក។
– ការពារជំងឺដាច់សរសៃឈាមខួរក្បាល គាំងបេះដូង
ការសិក្សាមួយបានបង្ហាញថា ចំពោះអ្នកដែលបន្ថែមសារធាតុ Beta-carotene ដែលជាប្រភពនៃវីតាមីន A កាត់បន្ថយហានិភ័យនៃជំងឺបេះដូង។ ការពារស្ថានភាពដូចជា គាំងបេះដូង ជំងឺដាច់សរសៃឈាមខួរក្បាល។
– គាំទ្រការសម្រកទម្ងន់
ទឹកឃ្មុំ ផ្តល់ថាមពលច្រើន ជួយរាងកាយការពារការកង្វះសារធាតុចិញ្ចឹម ដើម្បីទ្រទ្រង់របបអាហារ។ ផ្កាល្ហុងឈ្មោលមានជាតិសរសៃច្រើន វីតាមីន B, A, C ដែលជួយឱ្យរាងកាយដុតបំផ្លាញជាតិខ្លាញ់លើស កាត់បន្ថយចំណង់អាហាររបស់រាងកាយ។
២. ចំណាំពេលប្រើផ្កាល្ហុងឈ្មោលធ្វើជាថ្នាំ៖
– ផ្កាល្ហុងឈ្មោលល្អសម្រាប់សុខភាព ប៉ុន្តែអាស្រ័យលើទីតាំង និងស្ថានភាពរបស់មនុស្សម្នាក់ៗ មិនមែនគ្រប់គ្នាអាចប្រើផ្កាប្រភេទនេះបានទេ។ ដូច្នេះហើយអ្នកគួរស្រាវជ្រាវឱ្យបានច្បាស់មុននឹងប្រើ។ ជាមួយនឹងផ្កាល្ហុងស្ងួត ជាមធ្យមគួរប្រើតែ 10-20g ក្នុងមួយថ្ងៃ។
– ស្ត្រីមានផ្ទៃពោះ ស្ត្រីបំបៅដោះកូន ក្មេងអាយុក្រោម 2ឆ្នាំ មិនគួរប្រើល្បាយនៃផ្កាល្ហុងឈ្មោលត្រាំក្នុងទឹកឃ្មុំទេ ព្រោះ papain នៅក្នុងផ្កានេះ មានផលប៉ះពាល់ដល់ទារកក្នុងផ្ទៃ និងកម្រិតខ្ពស់អាចបង្កឱ្យរលូតកូន។
– ពេលឃើញផ្កាល្ហុងឈ្មោលត្រាំក្នុងទឹកឃ្មុំ បង្ហាញសញ្ញាខូច ប្រែពណ៌ ឬធុំក្លិនមិនល្អ ត្រូវឈប់ប្រើ។
– ហាមប្រើផ្កាល្ហុងឈ្មោលជាមួយសណ្តែកបៃតង ទឹកស្ពៃ ពងទា ពន្លកឬស្សីជូរ ស្រាបៀរ ស្រា ថ្នាំជក់…។
– ត្រូវបែងចែកផ្កាល្ហុងឈ្មោល និងផ្កាញីឱ្យច្បាស់នៅពេលប្រើ ដើម្បីធានាបាននូវប្រសិទ្ធភាពដែលចង់បាន។
– ក្មេងអាយុក្រោមមួយឆ្នាំ អ្នកជំងឺទឹកនោមផ្អែមមិនគួរប្រើភេសជ្ជៈ និងអាហារដែលមានទឹកឃ្មុំទេ៕
ប្រភព ៖ Phunutoday / knongsrok