មិនថាអាហារ ភេសជ្ជៈ ឬគ្រឿងទេសផ្សេងៗ គឺសុទ្ធតែមានដាក់ពេលវេលាកំណត់ច្បាស់លាស់ និងត្រឹមត្រូវ ដូច្នេះ ប្រសិនបើវាដល់ពេលផុតកំណត់ហើយនោះ គឺមិនអាចញុំា ឬយកមកប្រើការបានទៀតឡើយ។ តែយ៉ាងណាមិញ អាហារ និងគ្រឿងផ្សំទាំង៤ប្រភេទខាងក្រោមនេះ គឺពិតជាមិនបាច់ត្រូវភ័យព្រួយនឹងការហួសដឺឡេនោះទេ ព្រោះអាហារទាំងនេះ ទោះទុកយូរប៉ុនណា ក៏វាមិនចេះផុតកំណត់នោះដែរ។
១. ទឹកខ្មេះ
ទឹកខ្មះនាំមកនូវគុណប្រយោជន៍ជាច្រើនដល់សុខភាពដូចជា ជំនួយដល់ការរំលាយអាហារ, សម្រកទម្ងន់ជាដើម…។ ទឹកខ្មេះត្រូវបានគេប្រើសម្រាប់គោលបំណងជាច្រើនបន្ថែមពីលើការចម្អិនអាហារ វាក៏ត្រូវបានគេប្រើដើម្បីសម្អាតស្នាមប្រឡាក់ក្នុងផ្ទះផងដែរ។ ទឹកខ្មះមានអាយុកាលយូរណាស់ ដោយសារតែទឹកអាស៊ីតរបស់វា។ វាមានសមត្ថភាពថែរក្សាខ្លួនឯងដោយមិនបាច់ដាក់ក្នុងទូរទឹកកក។
២. ទឹកឃ្មុំ
លក្ខណៈសម្បត្តិប្រឆាំងនឹងបាក់តេរីធម្មជាតិរបស់ទឹកឃ្មុំ ត្រូវបានគេដឹងថា ជាអាហារធម្មជាតិតែមួយគត់ដែលមិនចេះផុតកំណត់។ អ្នកស្រាវជ្រាវបានអះអាងថា ទឹកឃ្មុំត្រូវបានគេរកឃើញនៅក្នុងសាជីជ្រុងនៃប្រទេសអេហ្ស៊ីបកាលពីជាង ៣០០០ ឆ្នាំមុន ហើយវាមិនកាន់តែយ៉ាប់យ៉ឺនទេ ចាប់តាំងពីវាត្រូវបានគេរកឃើញនៅសម័យទំនើប។ មូលហេតុត្រូវបានគេគិតថា ដោយសារតែទឹកឃ្មុំមានជាតិស្ករសំណើមទាប និងមានអាស៊ីត gluconic, អ៊ីដ្រូសែន peroxide ដែលជួយឱ្យទឹកឃ្មុំខ្លួនវាមិនធ្វើឱ្យអុកស៊ីតកម្មនៅលើអាកាស។
ទឹកឃ្មុំធម្មជាតិសុទ្ធនឹងមិនងាយខូច និងផុតកំណត់ឡើយ។ មានតែទឹកឃ្មុំដែលមានភាពមិនបរិសុទ្ធប៉ុណ្ណោះ ដែលងាយនឹងផ្លាស់ប្តូររសជាតិ។ ទឹកឃ្មុំក៏ជាអាហារដែលមិនចាំបាច់យកទៅក្លាសេផងដែរ។ អ្នកគ្រាន់តែត្រូវការទុកវានៅកន្លែងត្រជាក់ស្ងួត ឆ្ងាយពីពន្លឺព្រះអាទិត្យគឺបានហើយ។
៣. អំបិល
អំបិលគឺជាសារធាតុរ៉ែដែលត្រូវបានប្រើអស់ជាច្រើនសតវត្សរ៍។ ប្រជាជនក៏ប្រើអំបិលដើម្បីបន្ថែមរសជាតិទៅលើចំណីអាហារ។ ផលិតផលអំបិលឆៅអាចត្រូវបានគេធ្វើអនាម័យបានយ៉ាងល្អ ដូច្នេះ ការទុកដាក់ឆ្ងាយពីកន្លែងសើម អំបិលនឹងមិនចេះខូច ឬហួសដឺឡេនោះឡើយ។
៤. សុរា
ស្រាមាននៅក្នុងពូជជាច្រើនដែលមានដំណើរការកែច្នៃផ្សេងៗ ភាពចាស់ និងការបម្លែង។ ទោះជាយ៉ាងណាក៏ដោយ ស្រាភាគច្រើនមានអាយុកាលយូរណាស់។ អាយុកាលស្រាកាន់តែយូរ រសជាតិកាន់តែល្អ ហើយតម្លៃក៏កាន់តែឡើងខ្ពស់ផងដែរ។៕
ប្រភព ៖ Phunutoday / Knongsrok