អាហារដែលប្រើពេលយូរក្នុងការរំលាយ អាចជួយបង្កើនសីតុណ្ហភាពក្នុងខ្លួន ស័ក្តិសមសម្រាប់ញុំាក្នុងរដូវរងា។ ក្រៅពីជួយឱ្យរាងកាយមានភាពកក់ក្តៅ អាហារទាំងនេះ ក៏ជួយបង្កើនភាពស៊ាំយ៉ាងមានប្រសិទ្ធភាពផងដែរ ។
១. ចេក
ចេកមានជាតិសរសៃ សារធាតុប្រឆាំងអុកស៊ីតកម្មមួយចំនួន វីតាមីន C ប៉ូតាស្យូម ហ្វូឡាត ជាដើម មានអត្ថប្រយោជន៍ជាច្រើនចំពោះសុខភាពដូចជា ធ្វើឱ្យជាតិស្ករក្នុងឈាមប្រសើរឡើង ជំនួយដល់ប្រព័ន្ធរំលាយអាហារ សុខភាពបេះដូង។
ក្រៅពីនេះ ចេកក៏សម្បូរវីតាមីន B និងម៉ាញ៉េស្យូម ដែលមានសារៈសំខាន់សម្រាប់ក្រពេញទីរ៉ូអ៊ីត និងក្រពេញ Adrenal ដំណើរការបានត្រឹមត្រូវ។ ក្រពេញទាំងនេះជួយគ្រប់គ្រងសីតុណ្ហភាពរាងកាយ។
២. តែខ្ញី
ខ្ញី គឺជាគ្រឿងទេសក្នុងការចម្អិនអាហារ ប៉ុន្តែនៅក្នុងឱសថបុរាណ ខ្ញីក៏ជាថ្នាំដែលប្រើសម្រាប់ព្យាបាលជំងឺក្អក ផ្តាសាយ និងជំងឺមួយចំនួនទៀត។ ខ្ញីក៏ត្រូវបានគេស្គាល់ថាជាអាហារសុខភាពរំលាយអាហារ និងអាចជម្រុញដល់ thermogenesis ជួយឱ្យអ្នកមានអារម្មណ៍កក់ក្តៅ។
៣. Oat
នេះជាអាហារគ្រាប់ធញ្ញជាតិ ដែលជាធម្មតា គួរញុំាជាអាហារនេះនៅពេលព្រឹក។ Oats គឺជាប្រភពដ៏ល្អនៃកាបូអ៊ីដ្រាត ជាតិសរសៃ ប្រូតេអ៊ីន វីតាមីន សារធាតុរ៉ែ សមាសធាតុរុក្ខជាតិប្រឆាំងអុកស៊ីតកម្មសំខាន់ៗ និងតុល្យភាពដ៏ល្អនៃអាស៊ីតអាមីណូសំខាន់ៗ។
ការទទួលទាន oats ជាទៀងទាត់ជួយបំពេញបន្ថែមនូវធនធានអាហារូបត្ថម្ភរបស់រាងកាយ ជួយពង្រឹងសុខភាព។ នៅរដូវត្រជាក់ អ្នកគួរតែធ្វើ oatmeal ក្តៅមួយកែវ ដើម្បីជួយឱ្យរាងកាយមានអារម្មណ៍ស្រួល និងមិនសូវត្រជាក់។
៤. ដំឡូង
ដំឡូងជ្វា និងបន្លែជា root ត្រូវការពេលយូរដើម្បីរំលាយ។ នេះនឹងបង្កើនសីតុណ្ហភាពរាងកាយរបស់អ្នក។ មិនត្រឹមតែប៉ុណ្ណឹងទេ ដំឡូងជ្វាក៏មានផ្ទុកនូវវីតាមីន A វីតាមីន C និងម៉ង់ហ្គាណែសខ្ពស់ផងដែរ ដែលមានលក្ខណៈសម្បត្តិប្រឆាំងមហារីក និងអាចលើកកម្ពស់មុខងារប្រព័ន្ធភាពស៊ាំ សុខភាពពោះវៀន មុខងារខួរក្បាល និងសុខភាពភ្នែក។
៥. ល្ពៅក្រហម
ល្ពៅអាចយកទៅចម្អិនបបរ ស៊ុប ដើម្បីជួយឱ្យរាងកាយកក់ក្តៅក្នុងរដូវរងា។ នេះគឺជាអាហារដែលមានជីវជាតិខ្លាំង សម្បូរទៅដោយសារធាតុចិញ្ចឹមដូចជា វីតាមីន និងសារធាតុរ៉ែ និងមានកាឡូរីទាប។
វីតាមីន A មានវត្តមាននៅក្នុងផ្លែល្ពៅក្នុងទម្រង់ជាវីតាមីន A មុនគេ បេតាការ៉ូទីន និងអាល់ហ្វាការ៉ូទីន។ រាងកាយរបស់អ្នកអាចប្រែក្លាយសារធាតុប្រឆាំងអុកស៊ីតកម្មដ៏មានឥទ្ធិពលទាំងនេះទៅជាវីតាមីន A បន្ទាប់ពីអ្នកទទួលទានវា។ វីតាមីននេះល្អសម្រាប់ភ្នែក និងសុខភាពទូទៅរបស់អ្នក។
៦. ឱសថ និងគ្រឿងទេស
គ្រឿងទេស ឬឱសថមួយចំនួនដែលប្រើជាទូទៅក្នុងរដូវរងារ មានឥទ្ធិពលបង្កើនសីតុណ្ហភាពរាងកាយដូចជា ម្រេច ខ្ញី ខ្ទឹម បាស៊ីល ខ្ញី ជាដើម។
នៅក្នុងគ្រឿងទេស និងឱសថទាំងនេះ ខ្ញី និងខ្ទឹមក៏មានលក្ខណៈសម្បត្តិប្រឆាំងនឹងការរលាក ប្រឆាំងនឹងបាក់តេរី និងប្រឆាំងមេរោគផងដែរ ដូច្នេះពួកវាល្អណាស់ក្នុងការជួយដល់ការព្យាបាល និងការពារជំងឺផ្លូវដង្ហើមមួយចំនួនដូចជា ផ្តាសាយ ជាដើម។
៧. សណ្ដែកខ្មៅ
សណ្តែកខ្មៅមានផ្ទុកនូវប្រូតេអ៊ីន និងជាតិសរសៃច្រើន ដូច្នេះហើយពួកគេធ្វើឱ្យអ្នកឆ្អែតបានយូរ។ ជាងនេះទៅទៀត សណ្តែកខ្មៅ មានផ្ទុកនូវសារធាតុចិញ្ចឹមសុខភាពជាច្រើនដូចជា ម៉ាញេស្យូម ជាតិដែក ផូស្វ័រ វីតាមីន B6 ហ្វូឡាត … ការទទួលទានសណ្តែកខ្មៅជាប្រចាំ នឹងជួយលើកកម្ពស់សុខភាពបេះដូង គ្រប់គ្រងកម្រិតជាតិស្ករក្នុងឈាម។
អាហារសម្បូរប្រូតេអ៊ីន បង្កើតកម្ដៅបានល្អជាងអាហារដែលមានជាតិខ្លាញ់ខ្ពស់ ដូច្នេះការទទួលទានអាហារសម្បូរប្រូតេអ៊ីននឹងជួយឱ្យរាងកាយរបស់អ្នកមានភាពកក់ក្តៅ។ អ្នកអាចចម្អិនតែសណ្តែកខ្មៅ ហើយញុំាវាខណៈពេលដែលវានៅតែក្តៅ ដើម្បីជួយឱ្យរាងកាយមានអារម្មណ៍ស្រួល៕
ប្រភព ៖ Phunutoday / Knongsrok