អាហារជាច្រើនពិតជាមានជីវជាតិ ប៉ុន្តែបើញុំាខុសពេល ជាពិសេស ញុំានៅពេលយប់ពិតជាបង្កបញ្ហាធ្ងន់ធ្ងរដល់សុខភាព ខ្លាំងជាងការលេបថ្នាំអាសេនិចទៅទៀត។ ខាងក្រោមនេះ គឺជាអាហារមួយចំនួនដែលអ្នកគួរចៀសវាងទទួលទាននៅពេលយប់។
១. អាហារចៀន មានជាតិខ្លាញ់
ការទទួលទានអាហារបំពង មានជាតិខ្លាញ់ នៅពេលយប់ជ្រៅ អាចនាំឱ្យមានការរំលាយអាហារ និងធ្វើឱ្យពិបាកក្នុងការគេងលក់ស្រួល។
២. ស្រាបៀរ
មនុស្សមួយចំនួនជឿថា ការផឹកស្រាបៀរពីរបីកែវ មុនពេលចូលគេងនឹងជួយឱ្យពួកគេងងុយគេង។ ប៉ុន្តែនេះមិនមែនជាការពិតទេ។ អ្នកជំនាញនិយាយថា ជាតិអាល់កុលពិតជាអាចកាត់បន្ថយរយៈពេលនៃការគេងលក់ស្កប់ស្កល់។ លើសពីនេះ ការទទួលទានគ្រឿងស្រវឹងអាចបណ្តាលឱ្យច្រាលអាស៊ីត និងនាំឱ្យស្រមុកខ្លាំង។
៣. អាហារដែលមានជាតិទឹកច្រើន
ព្យាយាមចៀសវាងអាហារដែលមានជាតិទឹកខ្ពស់ដូចជា celery ឪឡឹក និងតាសក់។ការញុំាអាហារទាំងនេះ ជិតដល់ពេលចូលគេងវានឹងធ្វើឱ្យអ្នកភ្ញាក់ពីគេងពាក់កណ្ដាលយប់ ដើម្បីទៅបន្ទប់ទឹកនៅពាក់កណ្តាលយប់។ នេះអាចប៉ះពាល់ដល់គុណភាពនៃការគេងរបស់អ្នក។ ការទទួលទានអាហារបំពង មានជាតិខ្លាញ់ នៅពេលយប់ជ្រៅ អាចនាំឱ្យមានការរំលាយអាហារ និងធ្វើឱ្យពិបាកក្នុងការគេងលក់ស្រួល។
៤. អាហារហឹរ
ការញុំាអាហារហឹរមុនពេលចូលគេង អាចបណ្តាលឱ្យមិនរំលាយអាហារ និងបង្កឱ្យក្រហាយទ្រូង។ សារធាតុ Capsaicin ដែលមាននៅក្នុងម្ទេស អាចបង្កើនសីតុណ្ហភាពរាងកាយរបស់អ្នក និងរំខានដល់ដំណេករបស់អ្នក។
៥. ចេក
ការទទួលទានចេកមុនពេលហាត់ប្រាណ គឺល្អសម្រាប់ការបង្កើនថាមពល ប៉ុន្តែគួរចៀសវាងនៅពេលល្ងាច។ ចេកមានផ្ទុកប៉ូតាស្យូមច្រើន ដូច្នេះវាល្អណាស់សម្រាប់ប្រព័ន្ធការពាររាងកាយ និងសុខភាពស្បែក។ ប៉ុន្តែការញុំាផ្លែឈើនៅពេលល្ងាច ឬពេលយប់ អាចនាំឱ្យកើតស្លេស្ម និងមិនរំលាយអាហារ ។
៦. ផ្លែប៉ោម
Pectin ដែលជាប្រភេទជាតិសរសៃ ដែលមាននៅក្នុងផ្លែប៉ោម ជួយគ្រប់គ្រងជាតិស្ករក្នុងឈាម និងកម្រិតកូឡេស្តេរ៉ុល។ ប៉ុន្តែផ្លែប៉ោមពិបាករំលាយនៅពេលយប់ ដូច្នេះវាអាចនាំឱ្យមានជាតិអាស៊ីត ។ អ្នកឯកទេសអាហារូបត្ថម្ភក៏ណែនាំផងដែរ ឱ្យចៀសវាងការទទួលទានផ្លែឈើច្រើនពេកជាមួយអាហារពេលល្ងាច។
៧. បន្លែ Cruciferous
បន្លែ Cruciferous ដូចជា broccoli និង ខាត់ណា ផ្ទុកទៅដោយវីតាមីន ប៉ុន្តែពួកវាក៏មានផ្ទុកនូវជាតិសរសៃមិនរលាយក្នុងបរិមាណច្រើន ដែលចំណាយពេលយូរក្នុងការរំលាយ។ ការញុំាបន្លែទាំងនេះមុនពេលចូលគេងមានន័យថា រាងកាយប្រហែលជាត្រូវបន្តធ្វើការដើម្បីរំលាយពួកវានៅពេលគេង។ នេះនឹងរារាំងអ្នកមិនឱ្យគេងលក់ស្រួល។
៨. គ្រាប់ធញ្ញជាតិ
គ្រាប់ដូចជា អាល់ម៉ុន ភីស្តាជីអូ និង Walnut អាចជួយរក្សាសម្ពាធឈាមរបស់អ្នកឱ្យស្ថិតក្នុងកម្រិតធម្មតា និងលើកកម្ពស់សុខភាពបេះដូង។ ប៉ុន្តែដោយសារពួកវាមានជាតិខ្លាញ់ និងកាឡូរីខ្ពស់ អាហារបំប៉នទាំងនេះអាចនាំឱ្យឡើងទម្ងន់ ប្រសិនបើបរិភោគបន្ទាប់ពីអាហារពេលល្ងាច។
៩. សូកូឡាខ្មៅ
សម្បូរទៅដោយសារធាតុប្រឆាំងអុកស៊ីតកម្ម សូកូឡាខ្មៅមានប្រសិទ្ធភាពប្រឆាំងភាពចាស់ ក៏ដូចជាកាត់បន្ថយហានិភ័យនៃជំងឺសរសៃឈាមបេះដូង។ ប៉ុន្តែសូកូឡាខ្មៅក៏មានផ្ទុកជាតិកាហ្វេអ៊ីន និងអាស៊ីតអាមីណូ ដែលជួយលើកកម្ពស់ការប្រុងប្រយ័ត្នផងដែរ។ ដូច្នេះការញុំាសូកូឡាខ្មៅជិតចូលគេងអាចដាស់អ្នកបាន៕
ប្រភព ៖ Phunutoday / Knonsgrok