តាមក្បួនហុងស៊ុយបានដំណាលមកថា ផ្លែឈើ ៥ ប្រភេទនេះអ្នកគួរមាននៅលើអាសនៈ រៀងរាល់សីលមិនថាខែណាៗក៏ដោយ ព្រោះតាមជំនឿ នោះនឹងនាំឲ្យអ្នកជួបសំណាងដល់ក្រុមគ្រួសារពេញមួយខែ៖
៥) ផ្លែចេក
ស្និតនៃផ្លែចេក គឺតំណាងឲ្យប្រអប់ព្រះហស្តរបស់ព្រះពុទ្ធ ហេតុនេះហើយមនុស្សជាច្រើនមានទម្លាប់សែនចេកនៅលើអាសនៈ ហើយដុតធូបគោរពបូជាថ្វាយដល់ព្រះ។
៤) ផ្លែក្រូច
ផ្លែក្រូចតាមជំនឿ គឺរមែងនាំភាពជោគជ័យនិងសំណាងចូលដល់ក្រុមគ្រួសារ ហើយពណ៌នៃផ្លែក្រូច គឺសក្ដិសមបំផុតគួរតែមាននៅលើអាសនៈដែលជាកន្លែងគោរពបូជា។
៣) ផ្លែក្រូចថ្លុង
នៅក្នុងក្បួនហុងស៊ុយចិន ផ្លែក្រូចថ្លុង គេតំណាងឲ្យ កូនប្រុស ហេតុនេះហើយជារឿយៗគេសែនក្រូចថ្លុង ដើម្បីសុំពរជ័យដល់កូនៗរបស់ពួកគេ។ ម្យ៉ាងវិញទៀតក្រូចថ្លុងក៏មានរូបរាងមូលស្អាត ហើយផ្តល់នូវក្លិនក្រអូប ដែលគួរតែមាននៅលើទីតាំងអាសនៈ។
២) ផ្លែប៉ោម
ផ្លែប៉ោមតាមក្បួនហុងស៊ុយតំណាងឲ្យសន្តិភាព និងភាពសុខដុម។ ផ្លែឈើនេះមានគេពេញនិយមយកមកដាក់សែនណាស់ ព្រោះពណ៌ក្រហម ក៏វាតំណាងឲ្យ សំណាងល្អផងដែរ។
១) ផ្លែម្នាស់
ក្បូនហុងស៊ុយនៅប្រទេសចិន ការសែនផ្លែម្នាស់ ដូចជាកំពុងហៅសំណាងមកផ្លូវជីវិតរបស់អ្នក។ ជាងនេះវាក៏ជាផ្លែឈើម្យ៉ាង ដែលគេតំណាងឲ្យលាភនិងទ្រព្យ។ អ្នកគួរតែមានវានៅលើអាសនៈ នៅថ្ងៃសីល ឬថ្ងៃព្រះចន្ទពេញវង់៕
ប្រភព៖ បរទេស | ប្រែសម្រួល៖ ក្នុងស្រុក