កង្វះជាតិកាល់ស្យូម ឆ្អឹង និងធ្មេញនឹងរងផលប៉ះពាល់យ៉ាងធ្ងន់ធ្ងរ។ ខាងក្រោមនេះជាអាហារដែលប៉ះពាល់ដល់បរិមាណកាល់ស្យូមក្នុងរាងកាយ អ្នកគួរតែកំណត់ការទទួលទានរបស់អ្នក។
១. អាហារត្រាំ អាហារកែច្នៃ
អាហារត្រាំ អាហារកែច្នៃ គឺជាអាហារដែលមានជាតិប្រៃខ្ពស់ ដែលធ្វើឱ្យឆ្អឹង និងធ្មេញចុះខ្សោយ។ មូលហេតុ គឺនៅពេលដែលទទួលទានអំបិលច្រើនលើសពីតម្រូវការដែលរាងកាយត្រូវការ តម្រងនោមនឹងត្រូវធ្វើការពេញសមត្ថភាពដើម្បីបញ្ចេញវាចេញ។ ដំណើរការនេះក៏បណ្តាលឱ្យជាតិកាល់ស្យូមកាន់តែច្រើនត្រូវបានបញ្ចេញនៅខាងក្រៅរាងកាយ។
បើគ្មានជាតិកាល់ស្យូម ឆ្អឹងក៏លែងរឹងមាំ ធ្មេញក៏ខ្សោយដែរ។ យោងតាមអនុសាសន៍របស់អង្គការសុខភាពពិភពលោក WHO មនុស្សពេញវ័យគួរទទួលទានអំបិលត្រឹមតែ ៥ ក្រាមក្នុងមួយថ្ងៃ។
២. ភេសជ្ជៈគ្រប់ប្រភេទ
អ្នកចូលចិត្តភេជ្ជៈផ្អែម មិនត្រឹមតែប្រឈមមុខនឹងការឡើងទម្ងន់ដោយមិនអាចគ្រប់គ្រងបាន ការធាត់ប៉ុណ្ណោះទេ ប៉ុន្តែក៏មានបញ្ហាឆ្អឹង និងសន្លាក់ជាច្រើនទៀតដែរ។ ស្ករនឹងរំខានដល់ការបឺតស្រូបជាតិកាល់ស្យូម និងផូស្វ័រក្នុងខ្លួនអស់។ ផូស្វ័រ គឺជាសារធាតុសំខាន់ដែលជម្រុញការស្រូបយកជាតិកាល់ស្យូម។
ផឹកភេសជ្ជៈដែលមានជាតិកាបូនច្រើនជាង ៧ កែវ/សប្តាហ៍ ដង់ស៊ីតេឆ្អឹងនឹងថយចុះ និងបង្កើនហានិភ័យនៃការបាក់ឆ្អឹង។ ភេសជ្ជៈមានផ្ទុកអាស៊ីតផូស្វ័រច្រើន។ នេះគឺជាសារធាតុបន្ថែមអាហារដែលមានសមត្ថភាពធ្វើឱ្យពោះវៀនចុះខ្សោយ កាត់បន្ថយការស្រូបយកជាតិកាល់ស្យូមក្នុងពោះវៀន។
អ្នកគួរតែកំណត់ការប្រើប្រាស់ភេជ្ជៈផ្អែម។ ជំនួសមកវិញ ទទួលទានអាហារដែលមានសុខភាពល្អ ដូចជាផ្លែឈើ និងបន្លែស្រស់ៗ។
៣. ភេសជ្ជៈដែលមានជាតិកាហ្វេអ៊ីនច្រើន
តែ និងកាហ្វេ គឺជាភេសជ្ជៈដែលមានជាតិកាហ្វេអ៊ីន ដែលធ្វើឱ្យអ្នកស្វាង ស្រឡះល្អ។ វាមានអត្ថប្រយោជន៍ជាច្រើនចំពោះសុខភាព ប៉ុន្តែការប្រើប្រាស់ច្រើនពេកអាចបណ្តាលឱ្យមានផលប៉ះពាល់។
ជាតិកាហ្វេអ៊ីនអាចរំលាយជាតិកាល់ស្យូមនៅក្នុងឆ្អឹង ដោយហេតុនេះធ្វើឱ្យកញ្ចក់ចុះខ្សោយ។ ការទទួលទានជាតិកាហ្វេអ៊ីនប្រហែល ១០០ មីលីក្រាម ឆ្អឹងបាត់បង់ជាតិកាល់ស្យូមប្រហែល ៦ ក្រាម។ ជាតិកាហ្វេអ៊ីនរួមផ្សំជាមួយស្ករ ទំហំនៃឥទ្ធិពលកើនឡើង។
៤. គ្រឿងអាកុល
ភេសជ្ជៈមានជាតិអាល់កុល មិនត្រឹមតែបំផ្លាញថ្លើមប៉ុណ្ណោះទេ ថែមទាំងកាត់បន្ថយដង់ស៊ីតេឆ្អឹង បង្កើនហានិភ័យនៃការបាក់ឆ្អឹង និងកាត់បន្ថយអត្រានៃការស្តារឆ្អឹង។ យោងតាមការណែនាំរបស់អ្នកជំនាញវេជ្ជសាស្រ្ដ ស្ត្រីមិនគួរផឹកលើសពី ១ កែវក្នុងមួយថ្ងៃ បុរសមិនគួរពិសាលើសពី ២ កែវក្នុងមួយថ្ងៃឡើយ។
៥. អាហារសម្បូរជាតិខ្លាញ់
បន្ថែមពីលើការប្រមូលផ្តុំជាតិខ្លាញ់ច្រើនក្នុងរាងកាយ អាហារដែលមានជាតិខ្លាញ់ខ្ពស់ក៏មានគ្រោះថ្នាក់ដល់ឆ្អឹងផងដែរ។ អាស៊ីតខ្លាញ់នៅក្នុងអាហារទាំងនេះ ពេលផ្សំជាមួយកាល់ស្យូម បង្កើតជាសារធាតុដែលមិនអាចរលាយបាន ដែលធ្វើឱ្យរាងកាយពិបាកស្រូបយកកាល់ស្យូម។
ការទទួលទានអាហារមានជាតិខ្លាញ់ច្រើន អាហារចៀនដែលមានជាតិខ្លាញ់ច្រើន ក៏ធ្វើឱ្យអ្នកឡើងទម្ងន់ ងាយធាត់។ ដូច្នេះ ចូរកំណត់ការញុំាអាហារសម្បូរជាតិខ្លាញ់ នោះជាការប្រសើរ៕
ប្រភព ៖ Phunutoday / Knongsrok