អ្នកគួរតែចៀសវាងការទទួលតានផ្លែឈើខាងក្រោមនៅពេលយប់ ព្រោះអាចបណ្តាលឱ្យគេងមិនលក់ ខូចក្រពះ ពុល ប៉ះពាល់ដល់សរីរាងខាងក្នុង។
#ផ្លែឈើមិនគួរបរិភោគនៅពេលយប់
ការញុំាអាហារមុនពេលចូលគេង អាចរំខានដល់វដ្តនៃការគេងរបស់មនុស្ស។ ទោះជាយ៉ាងណាក៏ដោយ នៅពេលទទួលទានអាហារសម្រន់នៅពេលយប់ ផ្លែឈើហាក់ដូចជាមិនសូវរំខានដល់ដំណេកទេ បើធៀបនឹងអាហារផ្សេងទៀត ជាពិសេសអាហារកែច្នៃ។
យោងតាម National Sleep Foundation ការញុំាអាហារមួយចំនួនមុនពេលចូលគេងអាចរំខានដល់ដំណេក ដោយសារតែដំណើរការរំលាយអាហាររបស់រាងកាយ។ អ្នកជំនាញណែនាំឱ្យចៀសវាងផ្លែឈើ ដែលមានជាតិស្ករខ្ពស់មុនពេលចូលគេង ព្រោះវាអាចធ្វើឱ្យថាមពល និងកម្រិតជាតិស្ករក្នុងឈាមកើនឡើង និងធ្លាក់ចុះយ៉ាងឆាប់រហ័ស។
– ក្រូចឆ្មា
ផ្លែឈើ ជាពិសេសក្រូចឆ្មា ត្រូវបានគេចាត់ទុកថា ជាអាហារមួយប្រភេទ ដែលមិនគួរទទួលទាននៅពេលយប់ ទទួលទានច្រើនមុនពេលចូលគេង។ ការទទួលទានផ្លែឈើទាំងនេះ ច្រើនអាចនាំឱ្យមានជាតិហ្គាសក្នុងក្រពះ ធ្វើឱ្យពិបាកក្នុងការរំលាយអាហារ ដោយសារបរិមាណនៃជាតិស្ករ yeast ។ ប្រសិនបើអ្នកញុំាផ្លែឈើខ្លះមុនពេលចូលគេង ព្យាយាមញុំាមួយចំណែកតូច។
– ផ្លែប៉ោម
ផ្លែប៉ោមសម្បូរទៅដោយវីតាមីន C ជាតិសរសៃ កាបូអ៊ីដ្រាត ប៉ូតាស្យូម វីតាមីន និងសារធាតុរ៉ែមួយចំនួនដែលមានប្រយោជន៍ដល់សុខភាព។ អ្វីដែលល្អបំផុតនោះគឺថា ផ្លែប៉ោម គឺគ្មានជាតិខ្លាញ់ឆ្អែត និងកូលេស្តេរ៉ុល ដែលមានប្រយោជន៍ខ្លាំងណាស់សម្រាប់មនុស្សដែលតមអាហារ ឬចង់សម្រកទម្ងន់។ ព្រោះវាមានជាតិផ្អែម មានជាតិស្ករខ្ពស់ ដូច្នេះវាមិនល្អសម្រាប់អ្នកជំងឺទឹកនោមផ្អែមឡើយ ។
– ផ្លែប័រ
ផ្លែប័រ ជាផ្លែឈើដែលសម្បូរទៅដោយជាតិខ្លាញ់ ជាតិស្ករទាប ផ្លែប័រគឺល្អសម្រាប់ក្រពះ និងពោះវៀន ការពារមុខងារសរីរវិទ្យានៃប្រព័ន្ធសរសៃឈាមបេះដូង និងថ្លើម កាត់បន្ថយកូឡេស្តេរ៉ុល និងខ្លាញ់ក្នុងឈាម។ ដោយសារតែជាតិខ្លាញ់បន្លែមានច្រើននៅក្នុងប័រ បើអ្នកញុំាផ្លែប័រនៅពេលល្ងាច វានឹងធ្វើឱ្យបរិមាណខ្លាញ់បន្លែសុទ្ធកកកុញ បង្កផលវិបាកដូចជា លើសឈាម ឡើងទម្ងន់-ល-។
– មង្ឃុត
មង្ឃុតត្រូវបានគេចាត់ទុកថាជាផ្លែឈើដែលមានជីវជាតិច្រើន ស័ក្តិសមបំផុតក្នុងការបន្ថែមទៅក្នុងម៉ឺនុយបង្អែម ឬអាហារសម្រន់នៅពេលថ្ងៃ ប៉ុន្តែគួរតែនៅឱ្យឆ្ងាយពីផ្លែឈើដ៏ឆ្ងាញ់នេះនៅពេលល្ងាច ព្រោះវាអាចធ្វើឱ្យគេងមិនលក់ ឬគេងភ្ញាក់ៗ។ ជាងនេះទៅទៀត សារជាតិ xanthone ក្នុងផ្លែមង្ឃុត អាចមានប្រសិទ្ធភាព និងបង្កជាជាតិពុល។ បើចង់បាន អ្នកគួរតែញុំាផ្លែឈើនេះតែពេលថ្ងៃ។
– ទុរេន
ទុរេនសម្បូរទៅដោយសារធាតុចិញ្ចឹម និងជាឱសថដ៏ល្អសម្រាប់ការក្អក និងជំងឺស្បែក។ ទោះជាយ៉ាងណាក៏ដោយ ផ្លែឈើនេះមានផ្ទុកជាតិស្ករច្រើន ដូច្នេះអ្នកដែលមានជំងឺលើសឈាម សម្ពាធឈាមទាប សរសៃឈាមបេះដូងខ្សោយ ដំបៅក្រពះ គួរកំណត់ការទទួលទានទុរេននៅពេលល្ងាច។ ការទទួលទានទុរេននៅពេលយប់ក៏ងាយបង្កជាជំងឺក្រិនសរសៃឈាមដែរ។
– ស្វាយ
ស្រដៀងនឹងផ្លែស្រកានាគ បរិមាណជាតិស្ករខ្ពស់នៅក្នុងផ្លែស្វាយ គឺជាមូលហេតុនៃជំងឺដែលទាក់ទងនឹងសន្ទស្សន៍ជាតិស្ករក្នុងឈាម ដូចជាជំងឺទឹកនោមផ្អែម ខ្លាញ់ក្នុងឈាម។ ដូច្នេះហើយ អ្នកមិនគួរញ៉ាំផ្លែស្វាយនៅពេលល្ងាច ដើម្បីចៀសវាងការប្រមូលផ្តុំជាតិស្ករក្នុងខ្លួនខ្ពស់។
– ម្នាស់
បរិមាណជាតិស្ករ និងទឹកប្រមាត់ខ្ពស់នៅក្នុងផ្លែម្នាស់ គឺមិនល្អសម្រាប់អ្នកដែលមានជំងឺតម្រងនោម ឬជំងឺទាក់ទងនឹងជាតិស្ករក្នុងឈាមនោះទេ។ លើសពីនេះ ផ្លែឈើនេះក៏មានបរិមាណអាស៊ីតខ្ពស់ផងដែរ ដែលអាចបណ្តាលឱ្យឈឺក្រពះ ប្រសិនបើទទួលទាននៅពេលយប់ជ្រៅ។
– ផ្លែល្ហុង
អង់ស៊ីមនៅក្នុងផ្លែល្ហុង អាចជួយឱ្យរាងកាយបំបែកប្រូតេអ៊ីនសាច់។ ការទទួលទានផ្លែល្ហុងក្នុងបរិមាណតិចតួចបន្ទាប់ពីអាហាររួច មានផលប៉ះពាល់មួយចំនួនក្នុងការការពារដំបៅក្រពះ រលាកក្រពះ ពោះវៀន មិនរំលាយអាហារ…។
ក្រៅពីផ្លែឈើមួយចំនួនដែលបានរៀបរាប់ខាងលើ មានអាហារមួយចំនួនទៀតដែលអ្នកគួរចៀសវាងទទួលទាននៅពេលយប់មុនពេលចូលគេង ព្រោះវាអាចប៉ះពាល់ដល់គុណភាពនៃការគេង ៖
– គ្រឿងស្រវឹង
ជាតិអាល់កុលធ្វើឱ្យងាយស្រួលក្នុងការងងុយគេង ប៉ុន្តែបន្ទាប់មករំខានដល់ដំណេករបស់អ្នកនៅពេលយប់ ព្រោះវាអាចធ្វើឱ្យអ្នកភ្ញាក់ដោយស្រេកទឹក ឬចង់នោម។ នេះអាចកាត់បន្ថយបរិមាណនៃការគេង។ លើសពីនេះ ការផឹកស្រាជួយបន្ធូរសាច់ដុំទាំងអស់ក្នុងរាងកាយ ដែលអាចធ្វើឱ្យស្ទះផ្លូវដង្ហើម និងស្រមុកខ្លាំង។
– អាហារហឹរ
អាហារក្រុមនេះហាក់ដូចជា “ដាក់ទម្ងន់ច្រើន” នៅលើក្រពះរបស់អ្នក ហើយចំណាយពេលយូរដើម្បីរំលាយ។ អាហារដែលមានជាតិខ្លាញ់ខ្ពស់ ឈីស និងចៀនអាចនាំឱ្យអ្នកមិនរំលាយអាហារ និងធ្វើឱ្យអ្នកក្រោកពីដំណេកនៅពេលយប់។ អ្នកក៏គួរចៀសវាងរបស់ដូចជា សាំងវិច ឈីស អាហារចៀន ភីហ្សា និងសាច់អាំង។
– អាហារដែលមានជាតិទឹកខ្ពស់
ការភ្ញាក់ពីគេងទៅបន្ទប់ទឹក ពិតជារំខានដល់ដំណេករបស់អ្នកខ្លាំងណាស់។ ការផឹកទឹកឱ្យបានច្រើន គឺជាផ្នែកមួយដ៏សំខាន់ក្នុងការរក្សាសុខភាព ប៉ុន្តែប្រសិនបើអ្នកមិនចង់ចូលបន្ទប់ទឹកក្នុងពេលគេងទេ ចូរនៅឱ្យឆ្ងាយពីអាហារដែលមានជាតិទឹកច្រើន រួមមាន celery ឪឡឹក និង Melon ។
– អាហារក្ដៅ
នរណាម្នាក់ដែលមានការក្រហាយទ្រូងដឹងថា អាហារក្ដៅអាចបណ្តាលឱ្យមានបញ្ហានៅពេលយប់។ វាក៏មានហេតុផលមួយទៀតដែលអ្នកត្រូវចៀសវាងការទទួលទានមុនពេលចូលគេង គឺថាសីតុណ្ហភាពរាងកាយរបស់អ្នកគួរតែធ្លាក់ចុះ ដើម្បីជួយសម្រួលដល់ការគេង ទោះបីជាម្ទេសក្តៅអាចបង្កើនសីតុណ្ហភាពរាងកាយក៏ដោយ។
ការមានអារម្មណ៍ក្តៅអាចធ្វើឱ្យអ្នកគេងបានយូរ។ ប្រសិនបើអ្នកចូលចិត្តអាហារដោយបុក សូមសាកល្បងញុំាវាសម្រាប់អាហារពេលព្រឹក ឬអាហារថ្ងៃត្រង់ ជំនួសឱ្យអាហារពេលល្ងាច។
– អាហារដែលមានជាតិអាស៊ីត
វាមិនមែនជារឿងចម្លែកទេដែលអាហារដែលមានជាតិអាស៊ីត គឺជាកត្តាបង្កអោយមានការចាល់អាស៊ីត។ របស់ដូចជាទឹកក្រូចឆ្មា ខ្ទឹមបារាំងឆៅ ស្រាស និង ketchup អាចធ្វើឱ្យក្រហាយទ្រូងកាន់តែធ្ងន់ធ្ងរ៕
ប្រភព ៖ Phunutoday / Knongsrok