មុខម្ហូបទាំង ៥ មុខខាងក្រោមនេះ សុទ្ធតែមានភាពទាក់ទាញ និងពេញនិយមយ៉ាងខ្លាំង ប៉ុន្តែអាហារទាំងនេះមានភាពកខ្វក់ និងប៉ះពាល់ដល់សុខភាពយ៉ាងខ្លាំង។ អ្នកគួរតែកំណត់ការទទួលទាន ពេលចេញទៅក្រៅ។
១. អយស្ទ័រអាំង
អយស្ទ័រអាំង ជាមុខម្ហូបដ៏ពេញនិយមរបស់មនុស្សជាច្រើន។ ទោះជាយ៉ាងណាក៏ដោយ នៅតាមអាហារដ្ឋាននានាមិនងាយស្រួលក្នុងការរៀបចំនោះទេ មិនមែនគ្រប់ភោជនីយដ្ឋានទាំងអស់អាចរៀបចំវាដោយប្រុងប្រយ័ត្នឡើយ។ លើសពីនេះ អយស្ទ័រក៏មានបាក់តេរី និងប៉ារ៉ាស៊ីតជាច្រើន ដែលមិនអាចបំផ្លាញបានអស់ ប្រសិនបើមិនកែច្នៃនៅសីតុណ្ហភាពត្រឹមត្រូវ។
ក្រៅពីនេះ គុណភាពនៃអយស្ទ័រនៅក្នុងហាងតាមចិញ្ចើមផ្លូវ ជារឿយៗមិនត្រូវបានធានាទេ ប្រហែលជាសូម្បីតែសត្វដែលមិនស្រស់។ ដូច្នេះហើយ អ្នកគួរកំណត់ការញ៉ាំម្ហូបនេះនៅភោជនីយដ្ឋានតាមចិញ្ចើមផ្លូវ ដើម្បីការពារសុខភាព។
២. ប្រហិតគ្រប់ប្រភេទ
ថ្វីដ្បិតតែប្រហិតចៀន បំពង ឬដាក់ក្នុងស៊ុប មានរសជាតិឆ្ងាញ់ក៏ដោយ ក៏វាមិនមែនជាអ្វីដែលអ្នកគួរញុំាដែរ។ គ្រឿងផ្សំសំខាន់របស់ពពួកប្រហិតទាំងអស់ គឺសាច់ដែលនៅសល់។ អាជីវកម្មស្វែងរកប្រាក់ចំណេញជាច្រើន ក៏លាយសាច់ដែលខូច ហើយបន្ថែមសារធាតុបន្ថែមមួយចំនួនដើម្បីបង្កើនរសជាតិ និងអាចរក្សាទុកបានយូរ។ ដូច្នេះបន្ទាប់ពីកែច្នៃរួច គ្រាប់នៅតែមានរសជាតិទាក់ទាញ។
ដូច្នេះហើយ បើអ្នកពិតជាចង់ញុំាប្រហិតសាច់កែច្នៃ អ្នកគួរតែរកប្រភពវាពីម៉ាកល្បីឈ្មោះ។ បើមិនដូច្នោះទេ វាជាការល្អបំផុតក្នុងការកំណត់ការប្រើប្រាស់របស់វា។
៣. មឹក
មឹក គឺជាមុខម្ហូបដ៏ពេញនិយមនៅក្នុងភោជនីយដ្ឋានទូទៅ។ ទោះជាយ៉ាងណាក៏ដោយ មឹកមិនតែងតែស្រស់ទាំងអស់ទេ។ មឹកដែលលក់ក្នុងហាងភាគច្រើនត្រូវបានបង្កក ដូច្នេះវាពិបាកក្នុងការកំណត់ពេលវេលាផ្ទុក។ មឹកត្រូវបានបង្កកយូរ គុណភាពនឹងកាន់តែធ្លាក់ចុះ។ កន្លែងខ្លះថែមទាំងប្រើសារធាតុគីមីលាងសម្អាត ដើម្បីធ្វើឱ្យទឹកថ្នាំធ្វើឱ្យស និងបំបាត់ក្លិនស្អុយរបស់មឹកដែលខូច។
៤. ស្លាបមាន់ ជើងមាន់អាំង
ស្លាបមាន់ ជើងមាន់អាំង គឺជាអាហារដ៏ពេញនិយមរបស់មនុស្សជាច្រើន ទាំងក្មេងទាំងចាស់។ ស្លាបមាន់ ជើងមាន់ត្រូវប្រឡាក់ជាមួយគ្រឿងទេស អាំងឱ្យមានក្លិនឈ្ងុយ ដែលធ្វើឱ្យអ្នកពិបាកនឹងទប់អារម្មណ៍។
យ៉ាងណាមិញ ម្ហូបពីរមុខអាចធ្វើពីមាន់ក្លាសេ ដើម្បីទុកបានយូរ ស្លាបមាន់រត់ពន្ធមិនស្គាល់ប្រភព។ ករណីលួចរត់ពន្ធមាន់គ្មានប្រភពដើមជាច្រើនករណី ត្រូវបានកម្លាំងជំនាញចាត់ការតាមនីតិវិធី។ បើអ្នកញុំាសាច់មាន់ប្រភេទនេះ សុខភាពអ្នកច្បាស់ជាប៉ះពាល់។
៥. ឈាមទា
ម្ហូបមួយមុខដែលចូលចិត្តពេលញុំាឆ្នាំងក្តៅ ឈាមទាក៏ផ្តល់អត្ថប្រយោជន៍ដល់សុខភាពផងដែរ។ ទោះជាយ៉ាងនេះក្តី បញ្ហាអនាម័យ និងសុវត្ថិភាពចំណីអាហារ គឺជារឿងដែលអ្នកហូបចុកត្រូវយកចិត្តទុកដាក់។
យ៉ាងណាមិញ ក៏មានសិប្បកម្មខ្លះ មិនមែនសុទ្ធតែឈាមទាទាំងស្រុងនោះឡើយ ពោលគឺ អាចនឹងយកឈានសត្វផ្សេងមកជំនួស លាយឡំ ឬលាយជាមួយនឹងទឹកបន្ថែមក៏មានដែរ។ ដូច្នេះ នៅពេលដែលអ្នកចង់ទទួលទាន អ្នកគួរតែកំណត់ឱ្យបានត្រឹមត្រូវ៕
ប្រភព ៖ Phunutoday / Knongsrok