មនុស្សជាច្រើនយល់ថា ផឹកកាហ្វេជួយដាស់អារម្មណ៍ឱ្យស្វាងស្រឡះ បន្ទាប់ពីធ្វើការហត់នឿយ ហើយមានអារម្មណ៍ថាងងុយគេង។ អ្នកខ្លះបានជ្រើសរើសផឹកកាហ្វេនៅពេលព្រឹក ព្រោះគិតថា នឹងផ្ដល់ឱ្យអារម្មណ៍ល្អប្រសើរ ដើម្បីចាប់ផ្ដើមថ្ងៃថ្មី។ យ៉ាងណាមិញ វាមិនល្អដូចអ្នកគិតឡើយ ពេលវេលាទាំង ៤ ខាងក្រោមនេះ ល្អដើម្បីផឹកកាហ្វេ។
១. ពេលវេលាល្អបំផុតដើម្បីផឹកកាហ្វេ
– ពេលវេលាចាប់ពីម៉ោង ១០ ព្រឹក ដល់ ១១ ៖ ៣០ នាទីព្រឹក
យើងជាច្រើននាក់យល់ច្រឡំថា ការផឹកកាហ្វេនៅពេលព្រឹកមុនម៉ោង ៨ ព្រឹក គឺល្អសម្រាប់សុខភាព និងជួយឱ្យភ្ញាក់ពីដំណេកទៅធ្វើការ។ ប៉ុន្តែនេះជាការយល់ខុស ព្រោះនៅពេលនេះ សរីរាង្គក្នុងរាងកាយនៅតែដំណើរការមិនប្រក្រតី អ័រម៉ូនស្ត្រេស cortisol នៅតែមានកម្រិតខ្ពស់ ដូច្នេះហើយប្រសិនបើអ្នកផឹកកាហ្វេភ្លាមៗ វានឹងជំរុញកម្រិតស្ត្រេសកាន់តែខ្ពស់។
នៅពេលដែលអ្នកផឹកកាហ្វេលឿនពេក រាងកាយរបស់អ្នកនឹងធ្លាក់ចូលទៅក្នុងស្ថានភាពនៃការសម្រាក ថប់បារម្ភ ភ័យ វិលមុខ ខ្សោយ និងពិបាកក្នុងការផ្តោតអារម្មណ៍លើការងារ។
យោងតាមអ្នកជំនាញអាហារូបត្ថម្ភ ពេលវេលាដ៏ល្អបំផុតក្នុងការផឹកកាហ្វេគឺ ១០ – ១១ ៖ ៣០ នាទីបន្ទាប់ពីអាហារពេលព្រឹក។ នេះជាពេលដែលអ័រម៉ូនស្ត្រេសមានកម្រិតទាប ការផឹកកាហ្វេនឹងជួយឱ្យអ្នកភ្ញាក់ពីគេង ល្អសម្រាប់សុខភាព។
– ផឹកកាហ្វេបន្ទាប់ពីញុំាអាហារពេលព្រឹកប្រហែល ៣០ នាទី
មានមនុស្សតិចណាស់ដែលដឹងថាកាហ្វេ មានប្រសិទ្ធភាពក្នុងការលើកកម្ពស់ការរំលាយអាហារ ដូច្នេះវាជាការល្អបំផុតក្នុងការផឹកវា ៣០ នាទីបន្ទាប់ពីញុំាអាហារ។ វាមិនត្រឹមតែមានអត្ថប្រយោជន៍សម្រាប់ប្រព័ន្ធរំលាយអាហារប៉ុណ្ណោះទេ វាថែមទាំងជួយការពារស្ថានភាពដូចជាការមិនរំលាយអាហារ ហើមពោះ និងឈឺពោះផងដែរ។
– ផឹកកាហ្វេពីម៉ោង ១៣ ៖ ០០ ដល់ ១៥ ៖ ០០ នាទីរសៀល
បន្ទាប់ពីម៉ោង ១ រសៀល អ័រម៉ូនស្ត្រេស cortisol ចាប់ផ្តើមធ្លាក់ចុះ ដែលធ្វើអោយអ្នកតែងតែងងុយគេង ច្របូកច្របល់។ នៅពេលនេះ ផឹកកាហ្វេ ១ កែវភ្លាមៗ ដើម្បីជួយឱ្យអ្នកភ្ញាក់ឡើងវិញ។ មិនគួរផឹកកាហ្វេច្រើនពេកទេ គួរផឹកតែ ១ – ២ កែវ កុំផឹកកាហ្វេច្រើនពេក គួរផឹកតែ ១-២ កែវ។
#ចំណាំ ហាមផឹកកាហ្វេក្រោយម៉ោង ១៥ ៖ ០០ នាទីរសៀល ព្រោះការផឹកយឺតនឹងធ្វើអោយគេងមិនលក់នៅពេលយប់។
– ផឹកកាហ្វេមុនពេលហាត់ប្រាណ
កាហ្វេមួយពែង ៣០ នាទីមុនពេលហាត់ប្រាណនឹងជួយបង្កើនការរំលាយអាហារ និងដុតបំផ្លាញកាឡូរីកាន់តែច្រើន ជួយឱ្យសម្រេចបានលទ្ធផលហ្វឹកហាត់កាន់តែប្រសើរ។
២. ប្រភេទមនុស្សដែលមិនគួរផឹកកាហ្វេ
– អ្នកដែលមានសម្ពាធឈាមខ្ពស់
យោងតាមអ្នកជំនាញបានឱ្យដឹងថា អ្នកដែលមានសម្ពាធឈាមខ្ពស់ គួរតែឈប់ផឹកកាហ្វេឱ្យបានឆាប់តាមដែលអាចធ្វើទៅបាន ព្រោះជាតិកាហ្វេអ៊ីននៅក្នុងកាហ្វេធ្វើឱ្យសម្ពាធឈាមកើនឡើង។
ការសិក្សាមួយបានបង្ហាញពីការកើនឡើងសម្ពាធឈាម ទាក់ទងនឹងអាយុចំពោះបុរសដែលផឹកកាហ្វេច្រើន។ ទន្ទឹមនឹងនេះ ការស្រាវជ្រាវផ្សេងទៀតបង្ហាញថា ការផឹកកាហ្វេច្រើនចំពោះអ្នកដែលរំលាយកាហ្វេយឺតៗ បណ្តាលឱ្យមានការកើនឡើងសម្ពាធឈាម។
– អ្នកដែលមានជំងឺច្រាលក្រពះពោះវៀន
កាហ្វេមានផ្ទុកជាតិកាហ្វេអ៊ីន ដែលជួយសម្រួលដល់ការបន្ទោរបង់នៃបំពង់អាហារផ្នែកខាងក្រោម ដែលជាសន្ទះបិទបើករវាងបំពង់អាហារ និងក្រពះ ដែលបង្កឱ្យមានរោគសញ្ញានៃការចាល់អាស៊ីត។ ដូច្នេះការផឹកកាហ្វេនឹងបង្កើនហានិភ័យនៃរោគសញ្ញា GERD ។
– អ្នកដែលមានបញ្ហាគេងមិនលក់
ជាតិកាហ្វេអ៊ីននៅក្នុងកាហ្វេរំញោចកោសិកាសរសៃប្រសាទ ដូច្នេះវាអាចបង្កភាពតានតឹង ប៉ះពាល់ដល់ដំណេក និងបង្កើនការគេងមិនលក់។ ប្រសិនបើអ្នកមិនអាចបោះបង់ទម្លាប់ផឹកកាហ្វេទាំងស្រុងបានទេ អ្នកគួរតែប្តូរទៅម៉ោងមុននៃថ្ងៃ ហើយកាត់បន្ថយការទទួលទានកាហ្វេរបស់អ្នក។
– អ្នកដែលមានបញ្ហាថប់អារម្មណ៍ ញ័របេះដូង
ការផឹកកាហ្វេច្រើនពេក ក៏អាចបណ្តាលឱ្យមានរោគសញ្ញាថប់បារម្ភផងដែរ រួមមាន ញ័របេះដូង ញ័រ ឈឺក្បាល និងគេងមិនលក់។ ដូច្នេះហើយ ប្រសិនបើអ្នកជួបប្រទះការថប់បារម្ភ ឬភ័យស្លន់ស្លោជាប្រចាំ អ្នកគួរតែពិចារណាចៀសវាង ឬកាត់បន្ថយការទទួលទានកាហ្វេដែលមានជាតិកាហ្វេអ៊ីន៕
ប្រភព ៖ Phunutoday / Knongsrok