ការដែលចង់បង្វឹកខួរក្បាលកូនក្មេងតូចៗឲ្យពួកគេមានភាពឈ្លាសវៃ ក្រៅពីទម្លាប់បង្រៀនជាមួយសកម្មភាពខាងក្រៅ កត្តានៃរបបអាហារក៏ជារឿងសំខាន់មួយដែរ ដែលឪពុកម្តាយគ្រប់រូប ត្រូវយកចិត្តទុកដាក់និងជ្រើសរើសឲ្យបានត្រឹមត្រូវ។
ខាងក្រោមជាអាហារ ៦ ប្រភេទ ដែលអ្នកត្រូវទម្លាប់ឲ្យពួកគេទទួលទានជាប្រចាំ ប្រសិនចង់ឲ្យកូនៗអ្នកឈ្លាសវៃ និងលូតកម្ពស់កាន់តែលឿន៖
៦) ស៊ុត
ស៊ុតមានផ្ទុកនូវសារធាតុចិញ្ចឹមល្អៗជាច្រើន ដូចជាប្រូតេអ៊ីន អូមេហ្គា៣ ស័ង្កសី និងសំខាន់បំផុតនោះគឺ អាសេតាលហ្វីលីក ដែលជាសារធាតុបំប៉នសរសៃប្រសាទសំខាន់សម្រាប់ខួរក្បាល។ ជាពិសេសគឺផ្នែកពណ៌លឿងនៃស៊ុត ដែលមានផ្ទុកសារជាតិ Choline ច្រើនល្អសម្រាប់ការចងចាំ។ អ្នកគួរតែឲ្យពួកគេទទួលទានស៊ុតយ៉ាងហោចណាស់ ២ គ្រាប់/សប្ដាហ៍។
៥) ត្រីសាម៉ុង
ត្រីសាម៉ុងមានសារជាតិខ្លាញ់ល្អ DHA និង EPA ដែលវាមិនត្រឹមល្អសម្រាប់ការអភិវឌ្ឍកោសិកាខួរក្បាលនោះទេ ទៀតសោតក៏នឹងរំញោចឲ្យសរសៃប្រសាទខួរក្បាលកុមារមានការគិតនិងសមត្ថភាពនៃការយល់ដឹងល្អប្រសើរជាងមុន។
៤) គ្រាប់ Nuts
ដូចជាគ្រាប់សណ្តែកដី ផ្កាឈូករ័ត្ន គ្រាប់អាលម៉ុន សុទ្ធតែមានផ្ទុកនូវប្រូតេអ៊ីន អាស៊ីតខ្លាញ់ វីតាមីន និងសារធាតុរ៉ែៗសំខាន់ជាច្រើន ដែលចាំបាច់សម្រាប់រាងកាយកុមារ។
៣) ស្ពៃខៀវ
ស្ពៃខៀវក៏ល្អចំពោះខួរក្បាលផងដែរ ដោយវាមានផ្ទុកនូវវីតាមីន A, C, B1 និង B2 ហើយក្នុងពេលតែមួយនោះ វាក៏បញ្ជូននូវប្រូតេអ៊ីនល្អៗជាច្រើនទៅដល់ខួរក្បាល។
២) ទឹកដោះគោ
យោងទៅតាមអ្នកជំនាញទឹកដោះគោ ជាឧនាហារូបត្ថម្ភដែលខ្វះពុំបានសម្រាប់រាងកាយ ព្រោះជាតិ DHA និង ARA ជារបស់ចាំបាច់សម្រាប់អភិវឌ្ឍខួរក្បាលកុមារ។ វាជួយឲ្យកុមារមានភាពឈ្លាសវៃ និងបញ្ញាការគិតកាន់តែល្អ។
១) សាច់គោ
សាច់គោជាសាច់ដ៏ល្អមួយក្នុងចំណោមសាច់ដទៃទៀត ដែលអាចជួយអភិវឌ្ឍទាំងរាងកាយនិងខួរក្បាលរបស់កុមារ។ វាមានផ្ទុកនូវបរិមាណជាតិដែក ស័ង្កសី ដែលជួយឲ្យខួរក្បាលបង្កើនការចងចាំ ហើយអ្នកគួរតែជ្រើសរើសនូវប្រភេទសាច់ដែលគ្មានខ្លាញ់ ពោលត្រឹមខ្លាញ់ ២០ ភាគរយនៃសាច់គឺល្អបំផុត៕
ប្រភព៖ បរទេស | ប្រែសម្រួល៖ ក្នុងស្រុក