ភេសជ្ជៈពេញនិយមទាំង ៦ គួរទទួលទាននៅពេលល្ងាច ជួយថែរក្សាស្បែក និងបណ្ដេញជាតិខ្លាញ់

ការទទួលទានភេសជ្ជៈប្រភេទទាំងនេះនៅពេលល្ងាច មិនត្រឹមតែជួយបំពេញបន្ថែមសារធាតុចិញ្ចឹមសម្រាប់រាងកាយប៉ុណ្ណោះទេ តែថែមទាំងនាំមកនូវការប្រើប្រាស់ដ៏អស្ចារ្យជាច្រើនទៀតដល់រាងកាយរបស់អ្នកផងដែរ ជាពិសេសគឺជួយបណ្ដេញជាតិខ្លាញ់ ថែរក្សារាងឱ្យមានស្ថិរភាព។

១. ទឹកក្ដៅឧណ្ហៗ លាយជាមួយទឹកឃ្មុំ

ទឹកឃ្មុំមានផ្ទុកនូវវីតាមីន B, C និងសារធាតុរ៉ែសំខាន់ៗជាច្រើនដូចជាកាល់ស្យូម ស័ង្កសី ប៉ូតាស្យូម និងសារធាតុប្រឆាំងអុកស៊ីតកម្មផ្សេងៗទៀត ដែលជួយប្រឆាំងនឹងការរលាកការប្រឆាំងនឹងបាក់តេរី …។ ការប្រើប្រាស់ទឹកឃ្មុំនាំមកនូវអត្ថប្រយោជន៍ជាច្រើនដល់រាងកាយដូចជា កាត់បន្ថយកូឡេស្តេរ៉ុលអាក្រក់ ធ្វើឱ្យបេះដូងមានស្ថិរភាព ព្យាបាលជំងឺពោះវៀនមួយចំនួនជួយបង្កើនគុណភាពដំណេក …។

អ្នកគ្រាន់តែត្រូវការលាយទឹកឃ្មុំ ២ ស្លាបព្រាក្នុងកែវទឹកក្តៅឧណ្ហហើយកូរឱ្យសព្វ។ ដូច្នេះត្រូវមានកែវទឹកដែលមានសុខភាពល្អភ្លាមៗ។

២. ទឹកក្រូចឆ្មា

ទឹកក្រូចឆ្មាមានកាឡូរីតិចតួច ហើយមានវីតាមីន និងជាតិរ៉ែជាច្រើនផ្សេងទៀត។ ការទទួលទានទឹកក្រូចឆ្មាមុនពេលចូលគេង ជួយឱ្យរាងកាយមានភាពរឹងមាំ ពង្រឹងប្រព័ន្ធភាពស៊ាំ និងជម្រុញដំណើរការនៃការដុតខ្លាញ់ ធ្វើឱ្យប្រសើរឡើងនូវគុណភាពនៃការគេង។

ចំណាំ! អ្នកគួរច្របាច់ទឹកក្រូចឆ្មាហើយអាចផ្សំជាមួយទឹកឃ្មុំបន្តិច ដើម្បីបង្កើនប្រសិទ្ធភាព។ ចំពោះអ្នកមានបញ្ហាក្រពះ សូមកុំពិសាទឹកក្រូចឆ្មា ព្រោះអាស៊ីតក្នុងក្រូចឆ្មាអាចបណ្តាលឱ្យដំបៅក្រពះ។ ដូចគ្នានេះផងដែរ កុំផឹកទឹកក្រូចឆ្មានៅលើពោះទទេ។

៣. តែ Chrysanthemum

តែ Chrysanthemum មានលក្ខណៈសម្បត្តិត្រជាក់ ជួយបញ្ចុះកម្ដៅ បន្សាបជាតិពុល និងព្យាបាលការគេងមិនលក់យ៉ាងល្អ។ តែ chamomile មួយពែងលាយជាមួយទឹកឃ្មុំបន្តិច នឹងជួយឱ្យអ្នកគេងលក់ស្រួល។

លើសពីនេះទៀត តែ chamomile មានសារធាតុប្រឆាំងអុកស៊ីតកម្មច្រើន ដែលជួយធ្វើឱ្យស្បែកស្រស់ស្អាតការពារកុំឱ្យកើតមុន និងរលាកស្បែក។

ចំណាំ! ចំពោះស្ត្រីមានផ្ទៃពោះ ឬមនុស្សដែលមានអាឡែស៊ីទៅនឹងថ្នាំ chrysanthemum មិនគួរទទួលទានតែនេះទេ។

៤. ទឹកដោះគោ

ទឹកដោះគោមានជាតិខ្លាញ់ទាប ឬផលិតផលដែលធ្វើពីទឹកដោះគោដូចជាទឹកដោះគោជូរគ្មានជាតិស្ករ … អាចជួយជម្រុញការរំលាយអាហារ បន្ថែមថាមពល និងសារធាតុចិញ្ចឹមនិងកាត់បន្ថយការឃ្លាន។

លើសពីនេះ ការផឹកទឹកដោះគោក្តៅៗមួយកែវ នៅពេលល្ងាច ក៏ជួយឱ្យអ្នកគេងលក់ស្រួលផងដែរ។

៥. តែខ្ញី

តែខ្ញីក្តៅមួយកែវ ល្អសម្រាប់ប្រព័ន្ធរំលាយអាហារ។ វាក៏ជួយឱ្យអ្នកគេងលក់ស្រួលផងដែរ។ អ្នកអាចបន្ថែមខ្ញីស្រស់ពីរបីចំណិតចូលក្នុងទឹក ហើយបន្ថែមទឹកឃ្មុំពីរបីស្លាបព្រាចូល រឹតតែពិសេស។

៦. តែជីអង្កាម

តែជីអង្កាមមានកាឡូរីទាប ជួយបន្ធូរសាច់ដុំពោះ បង្កើនលំហូរទឹកប្រមាត់ ធ្វើឱ្យប្រសើរឡើងនូវបញ្ហាខ្លាញ់ក្នុងរាងកាយ។ តែនេះក៏ត្រូវបានគេបង្ហាញថាមានឥទ្ធិពលទប់ស្កាត់ចំណង់អាហារផងដែរ៕

ប្រភព ៖ Phunutoday / Knongsrok