សុខភាពខួរក្បាលធ្លាក់ចុះទៅតាមពេលវេលា អាយុ ក៏ដូចជារបៀបរស់នៅ។ ទោះជាយ៉ាងណាក៏ដោយ នៅតែមានមនុស្សជាច្រើនដែលប្រកាន់យកប្រធានបទក្នុងការថែរក្សាសុខភាពខួរក្បាលរបស់ពួកគេ។ ដូច្នេះ ទម្លាប់សាមញ្ញៗទាំង ៥ ខាងក្រោមនេះ នឹងជួយថែរក្សាខួរក្បាលរបស់អ្នកឱ្យមានភាពរឹងមាំ និងមានការចងចាំល្អផងដែរ។
១. ធ្វើលំហាត់ប្រាណយ៉ាងហោចណាស់ ១១ នាទីក្នុងមួយថ្ងៃ
លំហាត់ប្រាណទៀងទាត់ ជួយទទួលទានកាបូអ៊ីដ្រាតក្នុងរាងកាយ ខណៈពេលដែលកាត់បន្ថយហានិភ័យនៃជាតិស្ករ និងការប្រែប្រួលអាំងស៊ុយលីន។ ដោយហេតុនេះកាត់បន្ថយសម្ពាធ ប៉ះពាល់យ៉ាងធ្ងន់ធ្ងរដល់ខួរក្បាល។
លើសពីនេះ ការហាត់ប្រាណជួយបង្កើនលំហូរឈាមទៅកាន់ខួរក្បាល ទប់ស្កាត់ការរលាក និងជម្រុញការលូតលាស់នៃកោសិកាខួរក្បាលថ្មី។ យោងតាម WHO ការធ្វើលំហាត់ប្រាណកម្រិតមធ្យមត្រឹមតែ ១៥០ នាទីក្នុងមួយសប្តាហ៍ គឺគ្រប់គ្រាន់ដើម្បីធានាសុខភាពបានហើយ។
ការសិក្សាក៏បង្ហាញផងដែរថា ជាមួយនឹងការធ្វើលំហាត់ប្រាណ ១១ នាទីក្នុងមួយថ្ងៃ អ្នកនឹងការពារការថយចុះនៃការយល់ដឹង និងលើកកម្ពស់សុខភាពផ្លូវចិត្ត។
២. គេងយ៉ាងហោចណាស់ ៧ ម៉ោងក្នុងមួយថ្ងៃ
អ្នកដែលគេងតិចជាង ៧ ម៉ោង ច្រើនតែមានបញ្ហាក្នុងការចងចាំ បាត់បង់ការផ្តោតអារម្មណ៍ និងងាយនឹងកើតជំងឺសរសៃប្រសាទ។ ពេលគេង សរីរាង្គក្នុងរាងកាយត្រូវបានស្តារឡើងវិញ ជាពិសេសខួរក្បាល។ នៅពេលអ្នកគេង ខួរក្បាលរបស់អ្នកនៅតែសកម្ម មិនសម្រាកទាំងស្រុងនោះទេ។
ដូច្នេះហើយត្រូវគេងឱ្យលើសពី៧ម៉ោង ដើម្បីធានាឱ្យបាននូវដំណើរការល្អបំផុតរបស់ខួរក្បាល ។ ពេលវេលាគេងគួរតែនៅពេលយប់ ព្រោះនេះជាពេលវេលាដ៏ស័ក្តិសមបំផុតសម្រាប់ខួរក្បាល អំណោយផលសម្រាប់ទំនាក់ទំនងរវាងណឺរ៉ូនក្នុងខួរក្បាល ជួយដល់ការចងចាំ និងការរៀនសូត្រ។
យោងតាមការសិក្សា ខួរក្បាលបង្រួបបង្រួមអ្វីគ្រប់យ៉ាងដែលយើងរៀននៅពេលថ្ងៃ ខណៈពេលដែលយើងគេងនៅពេលយប់។ អ្នកដែលមានការគេងយប់ជ្រៅ ត្រូវបានបង្ហាញថា មានជំងឺខួរក្បាលតិចជាងអ្នកដែលមានការគេងតិច ឬទទួលរងពីការគេងមិនលក់។
៣. ព្យាយាមរៀនអ្វីដែលថ្មី
នៅពេលដែលខួរក្បាលចូលរួមយ៉ាងសកម្មក្នុងការងារ ឬការសិក្សា ពួកវាកាន់តែមានភាពរំជើប។ យោងតាមការស្រាវជ្រាវ អ្នកដែលចូលនិវត្តន៍នៅអាយុ ៦៥ ឆ្នាំមានហានិភ័យនៃការវិវត្តទៅជាជំងឺវង្វេង ១៥% ជាងអ្នកដែលចូលនិវត្តន៍នៅអាយុ ៦០ ឆ្នាំ។
ដូច្នេះ សូមឱ្យខួរក្បាលអ្នកសាកល្បងជាមួយនឹងលំហាត់ផ្សេងៗដូចជា ការដោះស្រាយពាក្យឆ្លង រៀនភាសាថ្មី រៀនធ្វើម្ហូប ឬអានសៀវភៅជាដើម។
៤. អាហារបំប៉នខួរក្បាល និងជាតិស្ករទាប
ការជ្រើសរើសអាហារត្រឹមត្រូវ គឺមានសារៈសំខាន់ខ្លាំងណាស់ ព្រោះការជ្រើសរើសត្រឹមត្រូវនឹងជួយលើកកម្ពស់សុខភាពខួរក្បាល និងការពារភាពចាស់។ ដើម្បីល្អសម្រាប់ខួរក្បាល អ្នកគួរតែកំណត់ការទទួលទានអាហារកែច្នៃ និងសាច់ក្រហម ហើយញុំាផ្លែឈើ បន្លែ គ្រាប់ធញ្ញជាតិឱ្យបានច្រើន។
លើសពីនេះ វាត្រូវបានណែនាំឱ្យទទួលបានប្រូតេអ៊ីនពីអាហារសមុទ្រដូចជា ត្រី salmon, mackerel និងត្រីផ្សេងទៀត ដែលសម្បូរទៅដោយអាស៊ីតខ្លាញ់អូមេហ្គា 3 ។ ក្រៅពីនេះ អ្នកក៏ត្រូវគ្រប់គ្រងស្ករឱ្យបានល្អ យកចិត្តទុកដាក់លើការផ្គត់ផ្គង់ទឹក។ ការខះជាតិទឹកក៏អាចនាំឱ្យមានការថយចុះ នៃការយល់ដឹងផងដែរ។
៥. ភ្ជាប់ទំនាក់ទំនងជាមួយមនុស្សកាន់តែច្រើន
អន្តរកម្មសង្គមក៏ជាមធ្យោបាយមួយ ដើម្បីបង្កើនភាពប្លាស្ទិកនៃខួរក្បាល ជួយឱ្យខួរក្បាលគ្រប់គ្រង និងយល់ឃើញកាន់តែរឹងមាំ។
យោងតាមការសិក្សាជាច្រើន អ្នកដែលមានទំនាក់ទំនងសង្គមខ្ពស់ មានភាពធន់នឹងការថយចុះនៃការយល់ដឹង ដែលទាក់ទងនឹងជំងឺ Alzheimer ជាងអ្នកដែលមានទំនាក់ទំនងសង្គមតិចតួច។ ដូច្នេះការចំណាយពេលជាមួយមិត្តភ័ក្តិច្រើន នឹងធ្វើឱ្យខួរក្បាលសកម្ម និងមានសុខភាពល្អជាងមុន៕
ប្រភព ៖ Phunutoday / Knongsrok