ទោះកាហ្វេល្អ តែកុំញុំាច្រើនពេក ប្រយ័ត្នបង្កទៅជាគ្រោះថ្នាក់ទាំង៥នេះកើតឡើង

ប្រសិនបើអ្នកផឹកកាហ្វេច្រើនពេក វានឹងបណ្តាលឱ្យគេងមិនលក់ កើនស្ត្រេស សរសៃប្រសាទប៉ះពាល់ដល់សុខភាពខ្លាំងណាស់ ដូច្នេះអ្នកគួរតែមានកំណត់ការទទួលទានកាហ្វេ និងពេលវេលាឱ្យបានត្រឹមត្រូវ។

១. បណ្តាលឱ្យមានការថប់បារម្ភ

នៅពេលអ្នកផឹកកាហ្វេច្រើនជាប្រចាំ វាអាចបណ្តាលឱ្យអស់កម្លាំង និងបង្កើនការគេងមិនលក់។ ក្នុងពេលជាមួយគ្នានេះដែរ ការផឹកកាហ្វេច្រើនពេក វាអាចបណ្តាលឱ្យរាងកាយស្រូបយកជាតិកាហ្វេអ៊ីនក្នុងបរិមាណច្រើន បណ្តាលឱ្យមានការថប់បារម្ភ និងគេងមិនលក់ នាំឱ្យដកដង្ហើមលឿន និងបង្កើនកម្រិតស្ត្រេសកាន់តែកើបឡើងទ្វេដង។ ដូច្នេះសូមតាមដានការឆ្លើយតបរបស់រាងកាយអ្នក បន្ទាប់ពីអ្នកផឹកកាហ្វេ ដើម្បីចៀសវាងផលប៉ះពាល់ដល់សុខភាព។

២. កាហ្វេបង្កើនការគេងមិនលក់

ការទទួលទានជាតិកាហ្វេអ៊ីនក្នុងបរិមាណតិចតួចពីកាហ្វេ អាចធ្វើឱ្យអ្នកភ្ញាក់ ហើយហាក់ដូចជាមិនប៉ះពាល់ដល់គុណភាពដំណេក។ ទោះយ៉ាងណាក៏ដោយ ប្រសិនបើអ្នកទទួលទានជាតិកាហ្វេអ៊ីនច្រើន វានឹងក្លាយជាមូលហេតុនៃការគេងមិនលក់របស់អ្នក គេងមិនគ្រប់គ្រាន់ ដែលប៉ះពាល់ដល់គុណភាពជីវិតបច្ចុប្បន្នរបស់អ្នក។

៣. ប៉ះពាល់ដល់ក្រពះ និងប្រព័ន្ធរំលាយអាហារ

នៅពេលអ្នកផឹកកាហ្វេជាប្រចាំ អាចបណ្តាលឱ្យឈឺពោះ។ ដោយសារតែជាតិកាហ្វេអ៊ីននៅក្នុងកាហ្វេ បង្កើនភាពញឹកញាប់នៃការកន្ត្រាក់នៅក្នុងប្រព័ន្ធរំលាយអាហារ ហើយអាស៊ីតកាហ្វេបង្កើនការផលិតអាស៊ីតក្រពះ បង្កឱ្យមានរោគសញ្ញាមិនល្អមួយចំនួនដូចជា ហើមពោះ ក្រហាយទ្រូង​ឈឺក្រពះ បណ្តាលឱ្យខូចក្រពះចំពោះមនុស្សដែលងាយរងគ្រោះ។

លើសពីនេះទៅទៀត នៅក្នុងកាហ្វេក៏មានឥទ្ធិពលបញ្ចុះទឹកនោម នៅពេលដែលវាបញ្ចេញជាតិហ្គាសស្ទីនដែលជាអរម៉ូនដែលក្រពះអាចផលិត ដើម្បីបង្កើនល្បឿនដំណើរការរំលាយអាហារនៅក្នុងពោះវៀនធំ ព្រមទាំងជួយជម្រុញការកន្ត្រាក់សាច់ដុំ។ ការរាំងស្ទះចលនាពោះវៀនដើម្បីផ្លាស់ទីអាហារលឿន។

៤. ញៀន

នៅពេលដែលអ្នកផឹកកាហ្វេច្រើន អ្នកនឹងងាយញៀន ព្រោះជាតិកាហ្វេអ៊ីនមានសមត្ថភាពធ្វើឱ្យសារធាតុគីមីមួយចំនួននៅក្នុងខួរក្បាលប៉ះពាល់ដល់មុខងារផ្លូវចិត្ត និងរាងកាយនាពេលបច្ចុប្បន្ន។ ឧទាហរណ៍ ការមិនផឹកកាហ្វេបន្ទាប់ពី ១៦ ម៉ោង ចំពោះអ្នកដែលមានទម្លាប់ផឹកជារៀងរាល់ថ្ងៃ នឹងធ្វើឱ្យពួកគេងាយឈឺក្បាលអស់កម្លាំង និងរោគសញ្ញាញៀនមួយចំនួនទៀត។

៥. ប៉ះពាល់ដល់ចង្វាក់បេះដូង នោមញឹកញាប់

នៅពេលដែលអ្នកផឹកកាហ្វេច្រើន អ្នកនឹងអត់ធ្មត់នឹងបរិមាណកាហ្វេអ៊ីនច្រើន ដែលអាចបង្កើនចង្វាក់បេះដូងចំពោះមនុស្សមួយចំនួនធ្វើឱ្យចង្វាក់បេះដូងលោតលឿនខុសប្រក្រតី ប៉ះពាល់ដល់សុខភាពបច្ចុប្បន្ន គ្រោះថ្នាក់ដល់ជីវិតបើមានបញ្ហាចង្វាក់បេះដូង។ ក្រៅពីនេះ ដោយសារកាហ្វេជាថ្នាំបញ្ចុះទឹកនោម វានឹងធ្វើឱ្យអ្នកមានអារម្មណ៍ថាអ្នកត្រូវការបត់ជើងតូចថែមទៀត ព្រោះជាតិកាហ្វេអ៊ីនមានឥទ្ធិពលជម្រុញដល់ប្លោកនោម ធ្វើការដែលអាចបណ្តាលឱ្យមានអាការៈមិនស្រួល៕

ប្រភព ៖ Phunutoday / Knongsrok