នៅពេលយើងទៅផ្សារទំនើប យើងច្រើនតែចាប់អារម្មណ៍នឹងទំនិញដែលបញ្ចុះតម្លៃពីព្រោះអ្នកអាចមានអារម្មណ៍ថាអ្នកសន្សំលុយបានច្រើន ក្នុងការទិញទំនិញទាំងនេះ។ យ៉ាងណាក៏ដោយ បុគ្គលិកផ្សារទំនើបបានបង្ហើបថាមិនមែនរាល់ទំនិញដែលបញ្ចុះតម្លៃល្អនោះទេ។ ចៀសវាងការទិញទំនិញទាំងនេះ ទោះបីជាមានការបញ្ចុះតម្លៃច្រើនក៏ដោយ។
១. ផ្លែឈើដែលបកសម្បករួច
ផ្សារទំនើបតែងតែលក់ផ្លែឈើស្រស់ៗជាច្រើនប្រភេទ រួមទាំងផ្លែឈើដែលបកសម្របករួចក៏មានដែរ។ ពួកវាត្រូវបានកាត់ជាបំណែកតូចៗ ដាក់លើថាស និងបិទជិត។ ពពួកផ្លែឈើទាំងនេះមើលទៅទំនងឆ្ងាញ់ និងងាយសម្រាប់អ្នកដែលខ្ជិលបកសម្បក។ តម្លៃនៃផ្លែឈើបែបនេះក៏ល្អផងដែរ។ ទោះជាយ៉ាងណាក៏ដោយ បើប្រៀបធៀបទៅនឹងរូបរាងដ៏ទាក់ទាញ គុណភាពរបស់វាគឺមិនល្អដូចដែលអ្នកគិតនោះទេ។ ផ្នែកផ្លែឈើដែលកាត់មុនពិតប្រាកដ អាចជាផ្នែកដែលមិនល្អ មានស្នាមជាំ ឬបង្ហាញសញ្ញានៃការខូច ឬរលួយ។
ប្រសិនបើអ្នកទុកផ្លែឈើទាំងនេះដោយសញ្ញានៃការខូច នោះគ្មាននរណាម្នាក់នឹងជ្រើសរើសទិញវាឡើយ។ ផ្ទុយទៅវិញ មនុស្សនឹងកាត់ផ្នែកមិនល្អចេញ ហើយច្រោះយកបំណែកដែលមានគុណភាពល្អ ដើម្បីដាក់តាំងលក់។ ទោះបីជាផ្លែឈើមើលទៅស្រស់ និងល្អនៅខាងក្រៅក៏ដោយ ប៉ុន្តែរសជាតិត្រូវបានកាត់បន្ថយយ៉ាងខ្លាំង ការទទួលទានផ្លែឈើបែបនេះរយៈពេលយូរអាចប៉ះពាល់ដល់សុខភាពណាស់។
២. ទឹកដោះគោបញ្ចុះតម្លៃ
ផ្សារទំនើបតែងតែមានការបញ្ចុះតម្លៃទឹកដោះគោ ឬទិញ 1 ថែម 1 ដោយឥតគិតថ្លៃ ឬភ្ជាប់ប្រដាប់ក្មេងលេង ដើម្បីទាក់ទាញចំណាប់អារម្មណ៍របស់កុមារ។ មធ្យោបាយនៃការលក់អំណោយជាមួយទំនិញត្រូវបានប្រើប្រាស់យ៉ាងច្រើន ដើម្បីទាក់ទាញចំណាប់អារម្មណ៍របស់អ្នកប្រើប្រាស់។ ទោះជាយ៉ាងណាក៏ដោយ កុំលោភលន់ក្នុងការទិញផលិតផលទឹកដោះគោបែបនេះ។ ទឹកដោះគោត្រូវបានបញ្ចុះតម្លៃភាគច្រើនដោយសារតែពួកវាជិតផុតកំណត់។ កុំទិញច្រើនពេក ដោយសារតែតម្លៃធូរ និងមានថែមរបស់ផ្សេងៗ។
ប្រសិនបើអ្នកធានាថាអ្នកអាចផឹកទឹកដោះគោទាំងអស់ក្នុងរយៈពេលខ្លីបាន អ្នកអាចទិញបានខ្លះ មិនមែនទិញទុកច្រើនទេ ក្រែងលោចោលលុយទទេ។ នៅពេលនោះ ការទិញគិតថាថោក តែខាតលុយ វាមិនល្អឡើយ។
៣. សាច់ដែលច្នៃរួចស្រេច
សាច់ដែលច្នៃរួច ប្រើសម្រាប់ធ្វើនំប៉ាវជាដើម គឺជារបស់ដែលធ្លាប់ឃើញនៅក្នុងផ្សារទំនើប។ តម្លៃសាច់នេះគឺថោកជាងសាច់ឆៅ។ ការពិតគឺថាសាច់ថោកទាំងនេះ ភាគច្រើនត្រូវបានផលិតចេញពីផ្នែកផ្សេងៗ។ បន្ទាប់ពីបន្ថែមគ្រឿងទេស អាហារដែលនៅសេសសល់ទាំងនេះក្លាយជាសាច់ដែលមានរសជាតិឆ្ងាញ់ ដែលពិបាកសម្រាប់មនុស្សជាមធ្យមក្នុងការកត់សម្គាល់ភាពខុសគ្នា។ ដូច្នេះ យកល្អគួរតែទិញសាច់ជ្រូកស្រស់ ទោះបីតម្លៃថ្លៃជាងក៏ដោយ វាអាចមានសុវត្ថិភាពសម្រាប់អ្នក និងក្រុមគ្រួសាររបស់អ្នក។
៤. អាហារក្លាសេកក់
ផ្សារទំនើបតែងតែលក់អាហារត្រជាក់ជាច្រើនដូចជា អាហារប្រៃ បន្លែ និងប្រហិតជាដើម ប៉ុន្តែអាហារទាំងនេះ ជាអាហារដែលបើលក់មិនអស់ទេ អាចនឹងទុកចោលនៅថ្ងៃបន្ទាប់។ ទោះបីជាពួកវាត្រូវបានកែច្នៃ និងផលិតនៅពេលព្រឹកក៏ដោយ ក៏គ្មានអ្វីដែលអាចធានាថា វាមិនមានភាពកខ្វក់នៅពេលដែលមានអតិថិជននៅជុំវិញដើម្បីជ្រើសរើសទិញ។
វេជ្ជបណ្ឌិត Michael Doyle (នាយកមជ្ឈមណ្ឌលសម្រាប់ភាពជឿនលឿននៃសុវត្ថិភាព និងគុណភាពអាហារនៅសាកលវិទ្យាល័យហ្សកហ្ស៊ី សហរដ្ឋអាមេរិក) បានចែករំលែកថា ៖ អាហារត្រជាក់ដែលរៀបចំនៅផ្សារទំនើប មើលទៅមានរសជាតិឆ្ងាញ់ ប៉ុន្តែមានផ្ទុកបាក់តេរីបង្កគ្រោះថ្នាក់ជាច្រើន។ ដូចជា E.coli, salmonella និង norovirus ។ មានហេតុផលជាច្រើនដែលអាហារកែច្នៃនៅក្នុងផ្សារទំនើបត្រូវខូចខាតយ៉ាងឆាប់រហ័ស ដោយសារតែសីតុណ្ហភាពផ្ទុកមិនមានសុវត្ថិភាពនៅក្នុងទូទឹកកក អនាម័យមិនល្អនៅពេលចម្អិនអាហារ និងគ្រឿងផ្សំស្រស់តិច។ ប្រសិនបើអ្នកញុំាអាហារទាំងនេះច្រើនពេក រាងកាយរបស់អ្នកនឹងប្រឈមមុខនឹងហានិភ័យនៃជំងឺរាគរូស ការពុល… សូម្បីតែការឆ្លងមេរោគបាក់តេរី។
៥. គ្រឿងសមុទ្រក្លាសេបញ្ចុះតម្លៃ
គ្រឿងសមុទ្រ គឺជាមុខម្ហូបដែលមនុស្សជាច្រើនចូលចិត្ត។ ពេលឃើញផលិតផលដាក់លក់ ប្រាកដជាចង់ទិញជាខ្លាំង។ យ៉ាងណាមិញ ការបញ្ចុះតម្លៃគ្រឿងសមុទ្រ ប្រហែលជាព្រោះទុកយូរពេក សាច់លែងរឹង។ នៅពេលនាំយកមកកែច្នៃវិញ រសជាតិនឹងលែងស្រស់ ហើយតម្លៃអាហារូបត្ថម្ភក៏នឹងថយចុះផងដែរ។
អាហារប្រភេទនេះ អាចត្រូវបានដាក់តាមរដូវដោយសារធាតុរក្សាទុកច្រើនពេក ដើម្បីរក្សាវាឱ្យនៅស្រស់ និងមិនខូចបន្ទាប់ពីទុកយូរ។ សូមចងចាំផងដែរថា អាហារសមុទ្រ គឺជាអាហារដែលងាយនឹងឆ្លងបាក់តេរី។ ការរក្សាទុក ឬបង្កកអាហារសមុទ្រនៅក្នុងទូទឹកកកអាចបន្ថយការលូតលាស់នៃបាក់តេរី និងមេរោគ ប៉ុន្តែមិនអាចលុបបំបាត់វាបានទាំងស្រុងនោះទេ។
ជាពិសេស ប្រសិនបើអ្នកទុកបង្គា ក្តាម និងមឹកក្នុងរយៈពេលយូរ មាតិកាបាក់តេរីនឹងកើនឡើង ដោយហេតុនេះការផ្លាស់ប្តូរបរិមាណប្រូតេអ៊ីនក្នុងអាហារ ការញុំាវានឹងមានគ្រោះថ្នាក់ខ្លាំង៕
ប្រភព ៖ បរទេស / Knongsrok