ការទទួលទានភេសជ្ជៈទាំងនេះ នឹងជួយឱ្យដំណើរការនៃការដុតខ្លាញ់ក្បាលពោះប្រព្រឹត្តទៅកាន់តែមានប្រសិទ្ធភាព សម្រាប់អ្នកចង់សម្រកទម្ងន់ ពិតជាសក្តិសមនឹងទទួលទានណាស់។
១. ក្រូចឆ្មាទឹកឃ្មុំក្តៅ
ទឹកឃ្មុំមានសារធាតុចិញ្ចឹមសុខភាពជាច្រើនដូចជា កាបូអ៊ីដ្រាត វីតាមីន B2 B3 B6 B9 សារធាតុរ៉ែ (ផូស្វ័រ ជាតិដែក ស័ង្កសី កាល់ស្យូម ម៉ាញេស្យូម) និងសារធាតុប្រឆាំងអុកស៊ីតកម្ម។
ទន្ទឹមនឹងនេះដែរ ក្រូចឆ្មាផ្តល់នូវប្រភពដ៏ច្រើននៃវីតាមីន C សារធាតុប្រឆាំងអុកស៊ីតកម្មជាច្រើនដែលមានប្រសិទ្ធភាពក្នុងការពង្រឹងភាពស៊ាំ បន្សាបជាតិពុល និងធ្វើឱ្យប្រសើរឡើងនូវការរំលាយអាហារ។
នៅពេលព្រឹក អ្នកអាចលាយទឹកក្រូចឆ្មាទឹកឃ្មុំក្តៅមួយកែវ ដើម្បីបំពេញជាតិទឹកដល់រាងកាយ បង្កើនសមត្ថភាពប្រឆាំងអុកស៊ីតកម្ម ផ្តល់ជាតិសរសៃ pectin ជួយដុតបំផ្លាញជាតិខ្លាញ់ និងកម្ចាត់ជាតិពុល។ ការផឹកទឹកក្រូចឆ្មារក្តៅឧណ្ហៗពេលព្រឹក ជាគន្លឹះសម្រកទម្ងន់ដែលមនុស្សជាច្រើនអនុវត្ត។
២. ទឹកខ្ញី
ខ្ញី គឺជាគ្រឿងទេសដ៏ពេញនិយម ដែលស្ទើរតែមាននៅគ្រប់ផ្ទះ។ ខ្ញីមានផ្ទុកសារធាតុ zingerone និង shogaols ដែលជួយដុតបំផ្លាញខ្លាញ់ក្បាលពោះ។ អ្នកគ្រាន់តែកាត់ខ្ញី រួចដាក់ក្នុងឆ្នាំងទឹក ដាំឱ្យពុះ។ ការបន្ថែមខ្ញីទៅក្នុងតែ និងផឹកនៅពេលព្រឹកក៏ល្អផងដែរ។ ដើម្បីធានាបាននូវសមត្ថភាពក្នុងការសម្រកទម្ងន់ អ្នកមិនគួរបន្ថែមជាតិស្ករទៅភេសជ្ជៈនោះទេ។
៣. ទឹក cinnamon
cinnamon មានអត្ថប្រយោជន៍សុខភាពជាច្រើន។ វាមានលក្ខណៈសម្បត្តិប្រឆាំងនឹងបាក់តេរី និងអាចជួយក្នុងការដុតបំផ្លាញជាតិខ្លាញ់។ cinnamon ក៏ជួយបង្កើនការរំលាយអាហារផងដែរ ដោយរក្សាកម្រិតអាំងស៊ុយលីនក្នុងការត្រួតពិនិត្យ។
អ្នកអាចប្រើឫស cinnamon ឬម្សៅ cinnamon ត្រាំក្នុងទឹករំពុះប្រហែល ១០ នាទីដើម្បីទទួលទាន។ បន្ថែមទឹកឃ្មុំទៅរសជាតិ អ្នកអាចផឹកទឹកនេះរវាងអាហារ ឬពេលយប់មុនពេលចូលគេង ដើម្បីជួយដុតបំផ្លាញជាតិខ្លាញ់។
៤. តែបៃតង
តែបៃតងគឺជាភេសជ្ជៈដែលធ្លាប់ស្គាល់ និងងាយស្រួលរក។ វាមានសារធាតុប្រឆាំងអុកស៊ីតកម្មដ៏មានឥទ្ធិពលជាច្រើនដែលជម្រុញការរំលាយអាហារ។ ដើម្បីបញ្ចុះទម្ងន់ អ្នកមិនគួរបន្ថែមស្ករទៅភេសជ្ជៈទេ។ ចំណាំថា តែបៃតងមានសារធាតុប្រឆាំងអុកស៊ីតកម្មដ៏មានឥទ្ធិពល និងសារធាតុ polyphenol ដែលជួយបង្កើនការផលិតអាស៊ីតក្រពះ។ ដូច្នេះ អ្នកមិនគួរផឹកទឹកនេះពេលពោះទទេឡើយ ។
៥. ទឹកម្នាស់
ម្នាស់ជាផ្លែឈើដែលមានរសជាតិឆ្ងាញ់ពិសេស។ អ្នកអាចញុំាម្នាស់ដោយផ្ទាល់ ឬប្រើវាដើម្បីធ្វើទឹកផ្លែឈើ និងតែ។ ម្នាស់មានផ្ទុកសារធាតុ bromelain ដែលជាអង់ស៊ីមដ៏សំខាន់ដែលមានសមត្ថភាពជំរុញការបំប្លែងសារជាតិប្រូតេអ៊ីន និងដុតបំផ្លាញជាតិខ្លាញ់ក្នុងរាងកាយ។ ចំណាំ ម្នាស់មានផ្ទុកអាស៊ីតច្រើន ដូច្នេះកុំទទួលទាននៅពេលពោះទទេ។
៦. ទឹក
ទឹក គឺជាភេសជ្ជៈដែលមិនអាចខ្វះបានក្នុងជីវិតមនុស្ស។ ការផឹកទឹកឱ្យបានគ្រប់គ្រាន់ក៏ជួយឱ្យក្រពះសំប៉ែតលឿនជាងមុនផងដែរ ដោយបង្កើនកាឡូរីដែលបានដុត។ ការស្រាវជ្រាវបង្ហាញថាមានការកើនឡើង ២៤-៣០% នៃការចំណាយថាមពលនៅពេលសម្រាកក្នុងរយៈពេល ១០ នាទីនៃការផឹកទឹក។
ដោយមិនគិតពីប្រភេទភេសជ្ជៈដែលអ្នកផឹក អ្នកត្រូវយកចិត្តទុកដាក់ក្នុងការថែរក្សារបបអាហារដែលមានសុខភាពល្អ។ ដើម្បីសម្រកទម្ងន់ឱ្យកាន់តែមានប្រសិទ្ធភាព និងរហ័ស សូមរួមបញ្ចូលការញុំាអាហារ និងលំហាត់ប្រាណឱ្យបានត្រឹមត្រូវ៕
ប្រភព ៖ Phunutoday / Knongsrok