មិនបាច់បើកម៉ាស៊ីនត្រជាក់ទេ អ្នកនៅមានវិធីល្អៗសម្រាប់ត្រជាក់រាងកាយ ថែមទាំងល្អសម្រាប់សុខភាពទៀតផង។
នៅរដូវក្តៅ សីតុណ្ហភាពកើនឡើងខ្លាំង ដែលមនុស្សជាច្រើនពិបាកក្នុងការគេង ព្រោះតែក្ដៅស្អុះ។ ដូច្នេះហើយ អ្នកត្រូវរកវិធីធ្វើឱ្យរាងកាយត្រជាក់ កុំឱ្យរាងកាយស្ថិតក្នុងសភាពក្តៅយូរពេក ក្រែងវាប៉ះពាល់ដល់ខួរក្បាល និងសរីរាង្គផ្សេងទៀត ។
នៅរដូវក្តៅ យើងច្រើនតែពឹងផ្អែកលើម៉ាស៊ីនត្រជាក់។ ទោះជាយ៉ាងណាក៏ដោយ ការប្រើប្រាស់ម៉ាស៊ីនត្រជាក់រយៈពេលយូរ ច្រើនតែមិនល្អសម្រាប់ស្បែក និងប្រព័ន្ធផ្លូវដង្ហើមរបស់អ្នក។ ខាងក្រោមនេះជាវិធី ៧ យ៉ាង ដើម្បីជួយអ្នកឱ្យត្រជាក់រាងកាយ និងគេងលក់ស្រួលពេញមួយយប់ ដោយមិនចាំបាច់ដំឡើងម៉ាស៊ីនត្រជាក់។
១. ផឹកទឹកឱ្យបានគ្រប់គ្រាន់
នៅពេលអ្នកមានអារម្មណ៍ក្តៅ រឿងដំបូងដែលអ្នកត្រូវធ្វើគឺ ផ្តល់ជាតិទឹកឱ្យបានគ្រប់គ្រាន់សម្រាប់រាងកាយ។ មូលហេតុ គឺដោយសារតែនៅពេលដែលរាងកាយមានជាតិទឹកគ្រប់គ្រាន់ ស្បែកនឹងបែកញើសកាន់តែច្រើន។ ប្រសិនបើអ្នកបាត់បង់ជាតិទឹក ញើសមិនត្រូវបានផលិតប្រកបដោយប្រសិទ្ធភាពទេ ដែលធ្វើឱ្យអ្នកមិនសូវអាចទប់ទល់នឹងសីតុណ្ហភាពក្តៅបាន ដោយហេតុនេះបង្កើតជាជំងឺ។
២. ងូតទឹកត្រជាក់
នៅពេលដែលអ្នកមានអារម្មណ៍ក្តៅពេក និងមិនស្រួល អ្នកគួរតែងូតទឹកត្រជាក់ ដើម្បីឱ្យរាងកាយរបស់អ្នកត្រជាក់។ អ្នកអាចប្រើសាប៊ូដែលមានសារធាតុត្រចាក់ ឬប្រភេទជីអង្កាម ដើម្បីជួយឱ្យរាងកាយរបស់អ្នកមានអារម្មណ៍ស្រស់ស្រាយជាងមុន។
ការងូតទឹកមុនចូលគេង ជួយឱ្យអ្នកមានអារម្មណ៍ត្រជាក់ គេងលក់ស្រួល និងបានស្កប់ស្កល់ផងដែរ។ ទោះជាយ៉ាងណាក៏ដោយ អ្នកត្រូវគិតពីលក្ខខណ្ឌអាកាសធាតុ និងសុខភាពផ្ទាល់ខ្លួនរបស់អ្នក ព្រោះការងូតទឹកនៅពេលយប់ក៏បង្កហានិភ័យជាច្រើនដល់សុខភាពរបស់អ្នកផងដែរ។
៣. ប្រើកន្សែងត្រជាក់ដើម្បីជូតខ្លួន
ការលាបក្រណាត់ត្រជាក់ដោយផ្ទាល់ទៅលើស្បែករបស់អ្នក ក៏អាចជួយកាត់បន្ថយសីតុណ្ហភាពរបស់អ្នកផងដែរ។ ប្រសិនបើវាក្តៅពេក អ្នកគួរតែដាក់កន្សែងពីលើចំណុចជីពចររបស់អ្នក ដូចជាខ្នងក ក្រោមក្លៀក កដៃ ឬនៅលើក្រលៀន។ នៅតំបន់ទាំងនេះ សរសៃឈាមកាន់តែខិតទៅជិតផ្ទៃស្បែក ដែលអាចមានឥទ្ធិពលល្អលើសីតុណ្ហភាពរាងកាយ។
៤. ផ្លាស់ប្តូរទៅជាសម្លៀកបំពាក់ត្រជាក់
ស្រទាប់សម្លៀកបំពាក់អាចទប់កម្ដៅ និងញើស។ ដូច្នេះ នៅរាត្រីរដូវក្តៅ ផ្លាស់ប្តូរទៅជាសម្លៀកបំពាក់ធ្វើពីក្រណាត់ទេសឯក សូត្រ និងកប្បាស ដែលស្រូបញើសបានប្រសើរជាង អាវយឺតរលុង ខោខ្លី និងសំពត់ផ្កា។
៥. គេងនៅក្នុងបន្ទប់ក្រោមដី
ប្រសិនបើអ្នកមិនអាចគេងពេញមួយយប់ព្រោះវាក្តៅពេក សាកល្បងគេងនៅកន្លែងផ្សេងក្រៅពីបន្ទប់គេងរបស់អ្នក ប្រសិនបើអ្នកនៅមានជម្រើស។ កម្ដៅកើនឡើង ដូច្នេះប្រសិនបើអ្នកមានបន្ទប់ក្រោមដី ឬជាន់ក្រោមនៅក្នុងផ្ទះរបស់អ្នក សូមរៀបចំកន្លែងដេកបណ្តោះអាសន្ននៅទីនោះ សម្រាប់សីតុណ្ហភាពត្រជាក់នៅពេលយប់។ ចំពោះបន្ទប់ដែលគ្មានអ្នកណាគេង សូមបិទទ្វារទៅកន្លែងនោះ ដើម្បីធានាបាននូវខ្យល់ត្រជាក់នៅក្នុងតំបន់ដែលអ្នកកំពុងគេង។
៦. គេងលើកម្រាលពូកត្រជាក់ៗ
អ្នកអាចធ្វើឱ្យរាងកាយរបស់អ្នកកាន់តែមានផាសុកភាព ដោយគេងលើក្រណាត់ទេសឯក ឬក្រណាត់កប្បាស។ វាក៏មានម៉ាកយីហោដែលផលិតខ្នើយ ពូក និងក្រណាត់ត្រជាក់ ដែលអាចជួយឱ្យអ្នកសម្រាកបានច្រើនមុនពេលអ្នកចូលគេង។
៧. ញុំាអាហារត្រជាក់ៗ
នៅយប់រដូវក្តៅ ដោយគ្មានអគ្គិសនី និងមិនអាចបើកម៉ាស៊ីនត្រជាក់ អ្នកអាចរកវិធីញុំាដើម្បីកាត់បន្ថយអារម្មណ៍ក្តៅ។ ម្ហូបត្រជាក់ៗមាន ការ៉េម ទឹកដូង ទឹកអំពៅ ទឹកក្រូចឆ្មា ឪឡឹក…៕
ប្រភព ៖ Phunutoday / Knongsrok