តែ សម្បូរទៅដោយវីតាមីន និងសារធាតុប្រឆាំងអុកស៊ីតកម្មខ្ពស់ បានក្លាយជាភេសជ្ជៈដ៏ពេញនិយមរបស់មនុស្សជាច្រើន ទោះយ៉ាងណា តែពិតជាជួយលើកកម្ពស់ស្មារតី ឱ្យអ្នកស្វាងល្អនៅពេលស្រវឹង ឬងងុយគេង។ យ៉ាងណាមិញ យើងគួរតែស្វែងយល់ពីពេលវេលាដែលមិនគួរផឹកតែ ដើម្បីកុំឱ្យមានផលអាក្រក់ដល់រាងកាយរបស់អ្នក។
១. កុំផឹកតែនៅពេលឃ្លាន
ការផឹកតែមានសមត្ថភាពរំញោចក្រពះ ដើម្បីបញ្ចេញសារធាតុអាស៊ីតច្រើន រសជាតិជូរ នឹងធ្វើឱ្យអ្នកបាត់បង់ចំណង់អាហារ រាងកាយនឹងស្រូបយកអាហារតិច។ លើសពីនេះទៅទៀត នៅពេលអ្នកឃ្លាន ប្រសិទ្ធភាពស្រូបយករាងកាយរបស់អ្នក គឺខ្ពស់ខ្លាំងណាស់ ដូច្នេះជាតិចត់នៅក្នុងតែ នឹងចូលទៅក្នុងសួត និងធ្វើឱ្យក្រពះត្រជាក់ ហើយសមាសធាតុដែលបង្កគ្រោះថ្នាក់នៅក្នុងតែត្រូវបានស្រូបចូលទៅក្នុងឈាមយ៉ាងឆាប់រហ័ស។ ហើយបណ្តាលឱ្យមានបញ្ហាមួយចំនួនដែលមនុស្សជាច្រើនបានជួបប្រទះដូចជា ចង្អោរ ញ័រទ្រូង មិនស្រួលក្រពះ ចុកពោះជាដើម។
មិនត្រឹមតែប៉ុណ្ណោះ អ្នកដែលមានជំងឺបេះដូង លើសឈាម រលាកថ្លើម រលាកតម្រងនោម ទឹកនោមផ្អែមជាដើម បើផឹកតែចាស់នៅពេលពោះទទេ អាចធ្វើឱ្យជំងឺកាន់តែធ្ងន់ធ្ងរ។
២. កុំផឹកតែភ្លាមៗបន្ទាប់ពីអាហាររួច
មនុស្សភាគច្រើន ជារឿយៗមានទម្លាប់ផឹកតែភ្លាមៗបន្ទាប់ពីទទួលទានអាហារ ប៉ុន្តែវាត្រូវបានគេណែនាំឱ្យផឹកតែ បន្ទាប់ពីអាហារពី ៣០ នាទីទៅ ១ ម៉ោង។
ដោយសារតែ តែមានជាតិតានីន ប្រសិនបើអ្នកផឹកតែភ្លាមៗបន្ទាប់ពីញុំាអាហាររួច នោះជាតិដែក និងប្រូតេអ៊ីននៅក្នុងអាហារនឹងរួមបញ្ចូលគ្នាជាមួយតានីនដោយហេតុនេះ វានឹងកាត់បន្ថយសមត្ថភាពរាងកាយក្នុងការស្រូបយកសារធាតុចិញ្ចឹម។ ដូច្នេះសូមប្រយ័ត្នកុំផឹកតែភ្លាមៗបន្ទាប់ពីអាហារ។
៣. កុំផឹកតែនៅពេលល្ងាចមុនពេលចូលគេង
ដោយសារតែតែមានផ្ទុកជាតិកាហ្វេអ៊ីនច្រើន នៅពេលផឹកវានឹងជួយរំញោចសរសៃប្រសាទធ្វើឱ្យសរសៃប្រសាទរំញោច ដោយហេតុនេះធ្វើឱ្យអ្នកគេងមិនលក់។ ដូច្នេះនៅពេលល្ងាចអ្នកគួរតែកំណត់ការទទួលទានតែ។ ដូច្នេះសូមសម្រាកប្រហែល ២ ម៉ោងមុនពេលចូលគេង ដើម្បីធានាបាននូវការគេងលក់ស្កប់ស្កល់ និងល្អប្រសើរ។
៤. កុំផឹកតែក្តៅពេក
នៅពេលផឹកទឹកតែក្តៅពេក នឹងធ្វើឱ្យខូចជញ្ជាំងផ្នែកខាងក្នុងនៃក្រពះដែលនាំឱ្យមានដំបៅក្រពះ។ ថ្វីដ្បិតតែតែបៃតងដ៏ល្អមួយត្រូវតែឆុងចេញពីទឹកក្តៅខ្លាំងតែសីតុណ្ហភាពល្អបំផុតសម្រាប់អ្នកផឹកគឺប្រហែល ៤៥ អង្សាសេ – ៥០ អង្សាសេគឺល្មមញុំាហើយ៕
ប្រភព ៖ Phunutoday / Knongsrok