ការបរិភោគអាហារសមុទ្រ និងការទទួលទានភេសជ្ជៈទាំង២ប្រភេទខាងក្រោម វានឹងបង្កឱ្យមានប្រតិកម្មមិនល្អប៉ះពាល់ដល់សុខភាព។
អាហារសមុទ្រ គឺជាអាហារមួយប្រភេទដែលផ្ទុកនូវសារធាតុចិញ្ចឹមជាច្រើន ដែលល្អសម្រាប់រាងកាយ។ ទោះជាយ៉ាងណាក៏ដោយ ការទទួលទានអាហារសមុទ្រមិនត្រឹមត្រូវ នឹងបង្កផលប៉ះពាល់ដល់សុខភាព។ នៅពេលទទួលទានអាហារសមុទ្រ អ្នកគួរតែចៀសវាងទទួលទានភេសជ្ជៈមួយក្នុងចំណោម ៥ ប្រភេទខាងក្រោមនេះ។
១. ស្រាបៀរ
ស្រាបៀរ គឺជាភេសជ្ជៈដ៏ពេញនិយម ជាពិសេសនៅពេលបរិភោគជាមួយអាហារសមុទ្រ។ ទោះជាយ៉ាងណាក៏ដោយ ការរួមបញ្ចូលគ្នានៃស្រាបៀរជាមួយអាហារសមុទ្រ បណ្តាលឱ្យមានផលវិបាកមិនល្អដល់សុខភាពឡើយ។
ស្រាបៀរផ្ទុកនូវមាតិកាខ្ពស់នៃវីតាមីន B1 ផ្សំជាមួយប្រូតេអ៊ីន និងជាតិរ៉ែ វាអាចបង្កើតជាក្រួសក្នុងតម្រងនោម បង្កើនសម្ពាធលើថ្លើម ហើយក្នុងរយៈពេលវែងនឹងកាត់បន្ថយមុខងារថ្លើម។ លើសពីនេះទៅទៀត ជាតិប្រូតេអ៊ីនលើសដែលមិនត្រូវបានបញ្ចេញចេញនឹងកកកុញ និងបណ្តាលឱ្យហើមរលាក ឈឺចាប់ក្នុងសន្លាក ជាលិកាសាច់ដុំបង្កើតជាជំងឺរលាកសន្លាក។
២. ទឹកផ្លែឈើស្រស់
ប្រភេទទឹកផ្លែឈើដូចជាទឹកក្រូចស្រស់ ទឹកផ្លែប៉ោម ទឹកត្របែក … ច្រើនតែសម្បូរទៅដោយវីតាមីនសេ។ ទន្ទឹមនឹងនេះ អាហារសមុទ្រច្រើនតែផ្ទុកជាតិអាសេនិចច្រើន។ គ្រឿងផ្សំទាំងពីរនេះផ្សំគ្នាបង្កើតជាសារធាតុទ្រីដអុកស៊ីតដែលបង្កគ្រោះថ្នាក់ដល់សុខភាព។
អ្នកជំនាញក៏បានណែនាំផងដែរថា យើងត្រូវបរិភោគផ្លែទទឹម ទំពាំងបាយជូរ បន្ទាប់ពីទទួលទានអាហារសមុទ្រ ពីព្រោះផ្លែឈើទាំងនេះកាត់សារធាតុដែលងាយផ្សំជាមួយកាល់ស្យូមនៅក្នុងអាហារសមុទ្រ ដើម្បីបង្កើតជាសារធាតុដែលមិនអាចរំលាយបាន ដែលបណ្តាលឱ្យឈឺពោះ និងរាក ក្អួត ចង្អោរ៕
ប្រភព ៖ Phunutoday/Knongsrok