អាហារខាងក្រោម ជាប្រភេទអាហារដែលមានរសជាតិជូរអែម ប៉ុន្តែវាមានឥទ្ធិពលយ៉ាងខ្លាំងដល់សុខភាពរបស់អ្នក ជាពិសេសមានសមត្ថភាពសម្រកទម្ងន់។
១. ក្រូចឆ្មា
ក្រូចឆ្មា គឺជាផ្លែឈើមួយប្រភេទដែលនាំមកនូវគុណប្រយោជន៍ជាច្រើនដល់រាងកាយ។ ក្រូចឆ្មាមានផ្ទុកសារធាតុប្រឆាំងអុកស៊ីតកម្ម និងសារធាតុចិញ្ចឹមមួយចំនួនទៀត ដែលធ្វើឱ្យវាក្លាយជាផ្លែឈើមួយដែលមានអត្ថប្រយោជន៍បំផុតក្នុងការលើកកម្ពស់ការសម្រកទម្ងន់។
ទឹកក្រូចឆ្មា អាចជួយជម្រុញឱ្យអារម្មណ៍ឆ្អែតបានយូរ ជម្រុញការរំលាយអាហារ និងបង្កើនប្រសិទ្ធភាពសម្រកទម្ងន់។
២. ផ្លែក្រូច
ផ្លែក្រូចមានផ្ទុកវីតាមីនជាច្រើន ជាពិសេសវីតាមីន C និងសារធាតុប្រឆាំងអុកស៊ីតកម្ម ដែលធ្វើឱ្យវាក្លាយជាផ្លែឈើដែលស្រកទម្ងន់រហ័សបំផុត។
ផ្លែក្រូចផ្ដល់តែ ៤៧ កាឡូរីក្នុង ១០០ ក្រាម ហើយត្រូវបានគេចាត់ទុកថាជាផ្លែឈើ “កាឡូរីអវិជ្ជមាន” ពីព្រោះវាផ្ទុកកាឡូរីតិចជាងតម្រូវការរបស់រាងកាយ។
៣. ផ្លែអម្ពិល
ផ្លែអម្ពិល គឺជាផ្លែឈើមួយប្រភេទដែលផ្ទុកសារធាតុប៉ូលីហ្វេណុល ដែលមានសារធាតុប្រឆាំងអុកស៊ីតកម្ម និងប្រឆាំងនឹងការរលាកដែលអាចជួយការពារជំងឺមួយចំនួន។ អម្ពិលមានរសជាតិជូរអែម ជួយទ្រទ្រង់ការសម្រកទម្ងន់ ប្រសិនបើទទួលទានមួយដងក្នុងមួយសប្តាហ៍។
ការសិក្សាបានបង្ហាញថា ផ្លែអម្ពិលមានផ្ទុកជាតិអាស៊ីត hydroxycitric (HCA) ដែលត្រូវបានផ្សារភ្ជាប់ទៅនឹងការសម្រកទម្ងន់ ព្រោះវារារាំងអង់ស៊ីមនៅក្នុងខ្លួន ដែលរួមចំណែកដល់ការផ្ទុកខ្លាញ់។
៤. ទឹកដោះគោជូរ
ទឹកដោះគោជូរ មានផ្ទុកនូវប្រូតេអ៊ីន កាល់ស្យូម វីតាមីន និងប្រូតូស្តេរ៉ូនដែលចាំបាច់សម្រាប់សុខភាព។ ការសិក្សាបានបង្ហាញថា ការញុំាទឹកដោះគោជូររាល់ថ្ងៃ អាចជួយឱ្យអ្នកបាត់បង់ខ្លាញ់ក្បាលពោះ។ តែយ៉ាងណា សូមប្រយ័ត្ន កុំញុំាទឹកដោះគោជូរនៅលើពោះទទេ ព្រោះវាអាចបង្កឱ្យមានឧស្ម័ន។
៥. ប៉េងប៉ោះ
ប៉េងប៉ោះនាំមកនូវអត្ថប្រយោជន៍ជាច្រើនដល់រាងកាយ ជាពិសេសសម្រស់ ស្បែក រូបរាង និងសម្រកទម្ងន់។ លើសពីនេះ ប៉េងប៉ោះអាចបញ្ច្រាសភាពធន់នឹង leptin ដែលជាប្រូតេអ៊ីនជួយគ្រប់គ្រងអត្រាមេតាប៉ូលីស និងចំណង់អាហារ និងដើរតួសំខាន់ក្នុងការសម្រកទម្ងន់។
៦. ស្វាយខ្ចី
ស្វាយខ្ចី គឺជាផ្នែកមួយនៃការបញ្ចុះទម្ងន់ សម្រកទម្ងន់ដោយធម្មជាតិ និងមានសុខភាពល្អបំផុត ព្រោះវាជួយបង្កើនការរំលាយអាហារ និងការរំលាយអាហារ។
៧. ម្នាស់
ម្នាស់ផ្ទុកបរិមាណដ៏ច្រើននៃអង់ស៊ីមប្រូមូលីន ដែលទទួលខុសត្រូវចំពោះការដុតបំផ្លាញជាតិខ្លាញ់។ លើសពីនេះទៀត ម្នាស់សម្បូរទៅដោយជាតិសរសៃ ដែលជួយគ្រប់គ្រងជាតិស្ករក្នុងឈាម និងបង្កើតអារម្មណ៍ឆ្អែតដែលជួយការពារពីការលើស៕
ប្រភព ៖ Phunutoday / ប្រែសម្រួល ៖ Knongsrok